14 ەلدەن كوماندالار قاتىسقان چەمپيوناتقا ماقتارال اۋدانىنىڭ №2 سپورت مەكتەبىنىڭ وقۋشىلارى دا قاتىسىپ، جۇلدەلى ورىنداردى يەلەندى.
مۇمكىندىگى شەكتەۋلى جاندار اراسىندا ارم2 ساناتىندا +55 كگ سالماق دارەجەسىندە وڭ جانە سول قولدا سۇلتانبەك قالمىرزا ءىى ورىندى الىپ، كۇمىس جۇلدەگە قول جەتكىزدى. سونداي-اق، جاسوسپىرىمدەر اراسىندا 55 كگ سالماق دارەجەسىندە وڭ قولدا نۇرسۇلتان قالىبەك ءىىى ورىندى، 80 كگ سالماق دارەجەسىندە وڭ قولدا نۇرسۇلتان كارىموۆ ءىىى ورىندى الىپ، جالپى ماقتارالدىقتاردىڭ قورجىنىنا 1 كۇمىس، 2 قولا ءتۇستى.
كۇنى كەشە ماقتارال اۋدانى اكىمىنىڭ ورىنباسارى التىن ەشانقۇلوۆا جۇلدەمەن ورالعان سپورتشىلارعا جانە ولاردىڭ باپكەرلەرىنە اۋدان اكىمىنىڭ العىس حاتتارى مەن سىيلىقتارىن تابىس ەتتى. «بيىل سپورت سالاسىندا ماقتارالدىقتاردىڭ باعى جانىپ تۇر. ارينە، مۇنىڭ ءبارى سىزدەردىڭ ەڭبەكتەرىڭىزدىڭ، توككەن تەرلەرىڭىزدىڭ ارقاسى» - دەدى ا.ەشانقۇلوۆا.
