Maqtaraldyq sharýalar sýdan tapshylyq kórmeitin bolady
Atalǵan sý júiesiniń jalpy uzyndyǵy 18,1 shaqyrymdy quraidy. 2017 jyly qurylysy tolyq aiaqtalǵan kanaldyń qaita qurý jumystaryna 632 million teńge qarjy jumsaldy.
Sý resýrsyn únemdeý úshin tamshylatyp sýǵarý ádisin egistik jerge keńinen endirý qajettigin aitqan Janseiit Qanseiituly búginde osy tehnologiia oblystaǵy 1878,1 gektar jerge endirilgenin atap ótti.
«Tamshylatyp sýarý ádisi arqyly eki ese ónim alyp, qarjy men aǵyn sýdy únemdeýge bolady. Sondyqtan da agrosektor salasyna atalǵan tehnologiiany engizýdiń tiimdiligi orasan. Tamshylatyp sýarýdyń bir qasieti – árbir egilgen daqyldyń ústine tamshylatyp qoiýynda. Sýdy ýaqtyly, ári kerek kezinde ǵana beredi. Sonymen qatar, ólsheýish qural arqyly sharýalar ketken shyǵynyn naqty eseptep otyrady. Iaǵni, qarjyny únemdeidi. Al Maqtaaral aýdanynda bul ádispen 1793 gektar jer sýǵarylady. Bul 138 myń gektardan astam egistik jeri bar aýdan úshin az. Sondyqtan aýdan basshylyǵyna osy baǵyttaǵy jumystardy jandandyryp, sharýalarǵa túsindirý jumystaryn kúsheitýdi tapsyramyn»,-dedi oblys ákimi.
Munan soń, óńir basshysy maqta ziiankesterine qarsy jándik óndiretin «Ońtústik» biofabrika mekemesinde boldy. Etnomofag óndirisin jolǵa qoiǵan kásiporyn byltyr maqta daqylynyń ziiankesterine qarsy 50 kg trihogramma, 7 mln. dana altynkóz, 9 mln. dana gabrobrakon jándikterin óndirip, sharýa qojalyqtaryna óz paidasyn tigizgen.
Atalǵan uiymnyń jumysymen tanysqan aimaq basshysy elimizdegi aq maqtany ósiretin jalǵyz óńir bolyp tabylatyn Ońtústik Qazaqstan oblysyndaǵy bul mekemeniń atqarar róli orasan ekenin atap ótti.
– Ońtústik Qazaqstan oblysynda biylǵy jyly maqta daqyly 123 myń gektardan astam jerge egilse, onyń 87 myń gektarǵa jýyǵy Maqtaaral aýdanyna tiesili. Biyl óńirde tuqymdyq shit tapshylyǵy sezilgen joq. Máselen, Maqtaaraldyń ózinde 3 myń tonna shit daiyndaldy. Budan bólek, aýdanǵa Qytai men Túrkiia elderinen de tuqymdyq shit tasymaldanǵan, – dedi J.Túimebaev.
Sapary barysynda Janseiit Qanseiituly jol jiegindegi qyryqqabat ónimin jinap jatqan egistik alqapqa toqtap, diqandardyń eńbegine sáttilik tiledi. Aýyl adamdary úshin diqanshylyqtyń orny erek ekenin aityp, egis alqabynda ter tógip júrgen jerlesterimizdiń eńbegi jana bersin degen izgi nietin jetkizdi.
OQO ákiminiń baspasóz qyzmeti
