اتالعان سۋ جۇيەسىنىڭ جالپى ۇزىندىعى 18،1 شاقىرىمدى قۇرايدى. 2017 جىلى قۇرىلىسى تولىق اياقتالعان كانالدىڭ قايتا قۇرۋ جۇمىستارىنا 632 ميلليون تەڭگە قارجى جۇمسالدى.
سۋ رەسۋرسىن ۇنەمدەۋ ءۇشىن تامشىلاتىپ سۋعارۋ ءادىسىن ەگىستىك جەرگە كەڭىنەن ەندىرۋ قاجەتتىگىن ايتقان جانسەيىت قانسەيىت ۇلى بۇگىندە وسى تەحنولوگيا وبلىستاعى 1878،1 گەكتار جەرگە ەندىرىلگەنىن اتاپ ءوتتى.
«تامشىلاتىپ سۋارۋ ءادىسى ارقىلى ەكى ەسە ءونىم الىپ، قارجى مەن اعىن سۋدى ۇنەمدەۋگە بولادى. سوندىقتان دا اگروسەكتور سالاسىنا اتالعان تەحنولوگيانى ەنگىزۋدىڭ تيىمدىلىگى وراسان. تامشىلاتىپ سۋارۋدىڭ ءبىر قاسيەتى – ءاربىر ەگىلگەن داقىلدىڭ ۇستىنە تامشىلاتىپ قويۋىندا. سۋدى ۋاقتىلى، ءارى كەرەك كەزىندە عانا بەرەدى. سونىمەن قاتار، ولشەۋىش قۇرال ارقىلى شارۋالار كەتكەن شىعىنىن ناقتى ەسەپتەپ وتىرادى. ياعني، قارجىنى ۇنەمدەيدى. ال ماقتاارال اۋدانىندا بۇل ادىسپەن 1793 گەكتار جەر سۋعارىلادى. بۇل 138 مىڭ گەكتاردان استام ەگىستىك جەرى بار اۋدان ءۇشىن از. سوندىقتان اۋدان باسشىلىعىنا وسى باعىتتاعى جۇمىستاردى جانداندىرىپ، شارۋالارعا ءتۇسىندىرۋ جۇمىستارىن كۇشەيتۋدى تاپسىرامىن»،-دەدى وبلىس اكىمى.
مۇنان سوڭ، ءوڭىر باسشىسى ماقتا زيانكەستەرىنە قارسى جاندىك وندىرەتىن «وڭتۇستىك» بيوفابريكا مەكەمەسىندە بولدى. ەتنوموفاگ ءوندىرىسىن جولعا قويعان كاسىپورىن بىلتىر ماقتا داقىلىنىڭ زيانكەستەرىنە قارسى 50 كگ تريحوگرامما، 7 ملن. دانا التىنكوز، 9 ملن. دانا گابروبراكون جاندىكتەرىن ءوندىرىپ، شارۋا قوجالىقتارىنا ءوز پايداسىن تيگىزگەن.
اتالعان ۇيىمنىڭ جۇمىسىمەن تانىسقان ايماق باسشىسى ەلىمىزدەگى اق ماقتانى وسىرەتىن جالعىز ءوڭىر بولىپ تابىلاتىن وڭتۇستىك قازاقستان وبلىسىنداعى بۇل مەكەمەنىڭ اتقارار ءرولى وراسان ەكەنىن اتاپ ءوتتى.
– وڭتۇستىك قازاقستان وبلىسىندا بيىلعى جىلى ماقتا داقىلى 123 مىڭ گەكتاردان استام جەرگە ەگىلسە، ونىڭ 87 مىڭ گەكتارعا جۋىعى ماقتاارال اۋدانىنا تيەسىلى. بيىل وڭىردە تۇقىمدىق شيت تاپشىلىعى سەزىلگەن جوق. ماسەلەن، ماقتاارالدىڭ وزىندە 3 مىڭ توننا شيت دايىندالدى. بۇدان بولەك، اۋدانعا جۇڭگو مەن تۇركيا ەلدەرىنەن دە تۇقىمدىق شيت تاسىمالدانعان، – دەدى ج.تۇيمەبايەۆ.
ساپارى بارىسىندا جانسەيىت قانسەيىت ۇلى جول جيەگىندەگى قىرىققابات ءونىمىن جيناپ جاتقان ەگىستىك القاپقا توقتاپ، ديقانداردىڭ ەڭبەگىنە ساتتىلىك تىلەدى. اۋىل ادامدارى ءۇشىن ديقانشىلىقتىڭ ورنى ەرەك ەكەنىن ايتىپ، ەگىس القابىندا تەر توگىپ جۇرگەن جەرلەستەرىمىزدىڭ ەڭبەگى جانا بەرسىن دەگەن ىزگى نيەتىن جەتكىزدى.
وقو اكىمىنىڭ باسپا ءسوز قىزمەتى
