Elbasy mindettegen tapsyrmalar men memlekettik baǵdarlamalardyń aýdanda júzege asyrylý barysymen tanysý maqsatynda is-saparmen kelgen aimaq basshysy eń aldymen Azattyq eldi mekenindegi «Qanat» sharýa qojalyǵynyń jumysyn aralap kórdi.
Qojalyqtyń jumysymen tanystyrǵan seriktestik iesi Marat Myrzahmetov búginde memleket tarapynan kórsetilip otyrǵan qoldaýdyń nátijesinde kásibin dóńgeletip otyrǵanyn aitady. Onyń aitýynsha, ótken jyly 1 gektar jylyjaidan 75 tonna qyzanaq, 3,5 gektar jerden 125 tonna baqsha ónimderin alǵan. 8 adamdy jumyspen qamtyp otyr ol biyl da jylyjaida qyzynaq ósirip, egistikke asqabaq daqylyn ekkenin málimdedi.
Budan bólek, oblys ákimi Syrabad eldi mekenindegi «Everest» sharýa qojalyǵynyń egistik alqabynyńda boldy. Maqta, jońyshqa, baqsha sharýashylyǵymen ainalysatyn seriktestik 1997 jyly qurylǵan. Sharýashylyq ótken jyly 24 tonna jońyshqa, 60 tonna baqsha daqyldaryn óndirgen. Al biylǵy jyly 2,45 gektar jerge maqta, 1 gektar alqapqa baqsha, 1 gektarǵa jońyshqa daqylyn egip, agrotehnikalyq is-sharalardy tiimdi uiymdastyryp otyr.
Sapary barysynda J.Túimebaev Atameken aýyldyq okrýgi, Talapty aýylyndaǵy «Maibek» sharýa qojalyǵyndaǵy egilgen qarbyz alqabynyń jumysymen tanysty. Eki gektar jerge egilgen baqsha daqyly búginde pisýge shaq qalǵan. Qojalyq biyl 3 gektar jerge maqta, 2 gektar jerge baqsha, 1,74 gektar jerge kókónis daqyldaryn ekken.
Jalpy aýdanda biylǵy jyly 138 myń gektardan astam sýarmaly jerge aýyl sharýashylyǵy daqyldary egilgen. Onyń 27 064 gektaryn baqsha daqyldary quraidy. Naqtyraq aitsaq, biyl myrzashóldik baǵbandar 19 500 gektarǵa qaýyn, 7 564 gektarǵa qarbyz ekken. Al oblys boiynsha 51,5 gektar jerge baqsha daqyldary egilgen.
Aýdandaǵy birqatar sharýa qojalyqtardyń jumys barysymen tanysqan óńir basshysy diqandarmen suqbattasty. Áńgime barysynda egistik jerlerdiń qurylymyn ártaraptandyrý, kóktemgi egistik jumystarynyń barysy jáne sýarmaly jerlerdiń kólemin arttyrý máseleleri talqylandy.
Búginde memleket tarapynan aýyl sharýashylyǵy salasyna barynsha qoldaý men kómek kórsetilip jatqanyn aitqan Janseiit Qanseiituly aýyl sharýashylyǵyn qoldaý maqsatynda aýdanǵa ótken jyly 4019,7 mln. teńge kóleminde sýbsidiia bólingenin atap ótti.
– Osy jyly aýyl sharýashylyǵy daqyldaryn 833,1 myń gektarǵa ornalastyrý mejelengen bolsa, onyń búginge 97 paiyzy oryndalyp otyr. Al kóktemi erte keletin bizdiń aimaqta diqandar erte egin egip, búginde onyń jemisin kórip otyr. Máselen oblys boiynsha kóktemgi egistikten jinalǵan 136,4 myń tonna aýyl sharýashylyǵy ónimderi Resei, Belarýssiia memleketteri men respýblikanyń soltústik aimaqtaryna jóneltildi. Onyń 38,5 myń tonnasy Maqtaaral aýdanynyń enshisinde, – dedi oblys ákimi.
Sonymen qatar óńir basshysy aýdan ákimine aýyl sharýashylyǵy salasyn sýbsidiialaýdyń barlyq baǵyttaryn avtomattandyrý boiynsha QR Aýyl sharýashylyǵy ministrligimen jasalǵan egis alqaptarynyń elektrondyq kartasyna 1 shildege deiin barlyq egistiń engizilýin qadaǵalaýdy tapsyrdy.
OQO ákiminiń baspasóz qyzmeti
