Maqtaralda asfalt-beton óndirý zaýyty salynady
Qurylysy keler jyly bastalatyn asfalt-beton óndirý jobasynyń investory gretsiialyq NIOVI S.A kompaniiasy quryltaishysy bolyp keletin «Soldatos» JShS-niń bas direktory A.Shyntaevty oblys ákimi J.Túimebaev arnaiy qabyldap aldaǵy jumysyna sáttilik tiledi.
Búginde memleket tarapynan investorlarǵa qolaily jaǵdai jasalǵanyn aitqan ákim Ońtústik - ekonomikalyq áleýeti zor, turaqty damyp kele jatqan óńir ekenin atap ótti.
«Aimaq - Orta Aziia, Taiaý Shyǵys pen Eýropa elderin bailanystyratyn joldardyń qiylysynda ornalasqandyqtan bizde shekaralyq saýda-sattyq pen eksporttyq óndiris damyp keledi. Sondai-aq, oblysta 11 indýstriialdy aimaq pen jeńil ónerkásip baǵytyndaǵy bir arnaiy ekonomikalyq aimaq bar. Oblysta investitsiia tartý jáne investorlarǵa bir tereze qaǵidasy boiynsha qyzmet kórsetetin aimaqtyq damý institýttary jumys jasaidy. Institýttar kásipkerlerge keńes beredi jáne qarjylyq pen infraqurylymdyq kómek kórsetedi», - dedi óńir basshysy.
Óz kezeginde sóz alǵan kompaniia basshysy buǵan deiin aýdanda mobildi asfalt zaýytyn iske qosyp, Qyzylqum aýyldyq okrýginde ornalasqan inspektorlyq joldarǵa asfalt berip kelgenin jetkizdi. Sonymen birge ol ekinshi jelisin keler jyldyń jaz aiynda aiaqtaýdy josparlap otyrǵanyn atap ótti.
«Soldatos» JShS-niń investorlary Maqtaaral aýdanyndaǵy jobadan bólek, Saryaǵashta saǵatyna 150 tonna, al Túrkistan qalasynda saǵatyna 200 tonna asfalt-beton shyǵaratyn zaýyt salýdy josparlap otyr.
Aita keteiik, aýdanda syrtqy investitsiiadan bólek, ishki investitsiianyń esebinen óńdeý zaýyty, gigienalyq zattar men polietilen shyǵaratyn óndiris zaýyttarynyń jobalary da júzege aspaq. 38 gektar jerdi alyp jatqan aýdannyń indýstriialdy aimaǵynda jumys istep turǵan «Bereke» maqta zaýytynan basqa, munda keler jyly 4 joba iske asyrylady dep josparlanýda.
OQO ákiminiń baspasóz qyzmeti
