Bıyldyń ózinde kooperatıv 5740 gektarǵa maqta egip, ár gektarynan 24-25 sentnerden ónim alýda. Maqtanyń alǵashqy qol terim jumystaryn qyzdyryp jatqan kooperatıvte búginde 100-ge jýyq adam mezgildik jumystarǵa jumyldyrylypty. Terimshilerge maqtanyń ár kelisine 25 teńgeden tólenýde.
– Qol terim jumystaryn júrgizgen ár adam kúndelikti 5-6 myń teńge taýyp otyr. Jumys asa qıyn emes. Maqta terimi kezinde otbasymyzdy baǵyp, tabys tabýǵa múmkindik bergen kooperatıv basshylaryna alǵys aıtamyn, – deıdi Qazybek bı aýylynyń turǵyny Mýktabar Yrzımetova.
Jalpy sany 188 dana tehnıkasy bar kooperatıv "Ońtústik" aımaqtyq ınvestısıalyq ortalyǵynan 2016 jyly 25 mıllıon teńge, al bıyl 100 mıllıon teńge nesıe alypty. Kooperatıv tóraǵasy bul múmkindikterge bir aýyzdan birigýdiń arqasynda qol jetkizip otyrmyz deıdi.
– 2016 jyly Qazybek bı aýyldyq okrýgindegi 794 sharýa qojalyǵy bir aýyzdan birigip, kooperatıv qurdyq. Sóıtip, ár sharýaqojalyǵyna tıesili jerlerdi biriktirdik. Birigýdiń arqasynda bıyldyń ózinde lızıńke sý jańa 12 traktor aldyq. Janar-jaǵarmaı men tyńaıtqyshtarǵa da jeńildetilgen baǵada qoljetkizip otyrmyz. Aldaǵy ýaqytta egistik kólemin ulǵaıtyp, tabysymyzdy eseleı túsemiz, – deıdi kooperatıv tóraǵasy Murat Qurbanov.
2016 jyly qurylǵan kooperatıvtiń 6832 gektar jeri bar. Onyń ishinde 5740 gektar maqta, 660 gektar baqsha, 2 gektar kókónis, 40 gektar jańa jońyshqa, 150 gektar eski jońyshqa, 229 gektar dándik júgeri, 11 gektar súrlemdik júgeri egilgen.
OQO ákiminiń baspasóz qyzmeti
https://dalanews.kz/30207
