Biyl Maqtaral aýdanyndaǵy kóktemgi dala jumystaryna memleket tarapynan 5 myń tonnadan astam janar jaǵarmai bólinse, búginde onyń 3900 tonnasy sharýalarǵa úlestirilip berilgen.
Biyl óńirde tuqymdyq shit tapshylyǵy sezilgen joq. Aýdan ákimi J. Beisenbaevtyń tapsyrmasymen arnaiy jumys toby qurylyp, kóktemgi dala jumystaryna qajetti 3 myń tonna shit daiyndalǵan bolatyn. Budan bólek, aýdanǵa Qytai men Túrkiia elderinen de tuqymdyq shit tasymaldanýda. Qazirgi tańda sharýalar tuqymdyq shittiń kelisin sortyna qarai 250-300 teńge aralyǵynda satyp alyp jatyr.
Aita keteiik, byltyr Maqtaral aýdanynyń qyrmanyna 219 myń tonnadan astam "aq altyn" jinalǵan bolatyn. Maqta daqylynyń ortasha ónimdiligi ár gektardan 23,1 tsentnerdi qurady. Jinalǵan ónimniń 118 myń tonnasy kombainmen, qalǵany qol kúshimen terildi. Naýqanǵa 641 terimshiler brigadasy, 25 myńǵa tarta terimshi, 290 kombain jumyldyrylǵan edi.
Byltyr óńirde maqta baǵasy 165 teńgeden bastalyp, 178 teńgege deiin kóterildi. Jer emgen sharýalar baǵanyń biyl da joǵary bolatynyna senim artyp otyr. Ónim kólemin arttyrý úshin aýdanda arnaiy seminar - keńes uiymdastyrylyp, diqandarǵa sapaly tuqym, arnaiy kútim joldary men ziiankesterge qarsy kúres sharalarynyń tiimdiligi túsindirildi.
Maqtaral aýdany ákiminiń baspasóz qyzmeti
