Maqtaral jihazdyq taqta daiyndaidy
Búginde 30 adam jumys isteitin zaýyt ónimi Astana, Almaty, Shymkent, Taldyqorǵan, Taraz qalalaryndaǵy iri kásiporyndar satyp alady. Maqtaaraldyq ónimge Ózbekstan, Tájikstan, Qyrǵyzstan, Túrkimenstan jáne Resei memleketteri qyzyǵýshylyq tanytyp otyr eken.
«Qozapaianyń tonnasyn 12 000 teńgege satyp alamyz, bul maqtaaraldyq sharýalarǵa da óz paidasyn tigizýde. 1 tonna qozapaiadan 1 kýb jihazdyq taqta shyǵady. 1 kýb degenimiz – 24 dana taqta» - deidi zaýyttyń bas injeneri Baqytbek Úsenuly.
Zaýyttyń óziniń birneshe traktorlary men qozapaiany jinaityn tehnikalary da bar. Bul shikizatty ózderi de óndire beredi degen sóz. Sondyqtan, shikizat máselesi tolyqtai sheshilgen. Zaýyttyń jumysshysy Qurmanǵazy Tańbergenovtyń aitýynsha, jumysshylardyń jalaqysy 70 myń teńgeden kem emes.
«Kúndelikti jumysymyz júieli. Kúnine 8 saǵat eńbek etemiz. Zaýyttaǵy jumystyń esh qiyndyǵy joq» ,- deidi Qurmanǵazy Táńirbergenov.
Aita keteiik, jaqynda ǵana Shymkent qalasyndaǵy «Tassai» indýstriialyq aimaǵynda Qazaqstandaǵy erekshe jobalardyń biri iske qosyldy. Ońtústik Koreianyń tehnologiiasymen jabdyqtalǵan «Mega Smart» zaýytynyń negizgi shikizaty – qozapaia. Maqtaaraldyq «Sapa Invest Pliýs» qazirgi tańda osy zaýytpen tyǵyz bailanysta jumys jasap jatyr. «Mega Smart» zaýytynyń bas direktory Sergei Hegaidyń aitýy boiynsha, qozapaia ekologiialyq taza ónim bolǵandyqtan, TMD elderinde joǵary baǵalanady.
Osylaisha Maqtaraldaǵy zaýyttan jetkizilgen taqtalar túrli tústermen laminattalyp, jihaz zaýytyna ótedi. Ońtústik Koreia jáne Italiianyń qondyrǵylarymen jumys jasaityn zaýyttyń buiymdarynyń sapasy jaqsy, ásemdigi kóz jaýyn alady
