Sonyń ishinde 18 tonna un, 7 tonna kúrish, 3630 litr kúnbaǵys maiy, 6 tonna makaron ónimderi, 500 kg arpa jarmasy, 4,5 tonna qant, 548 qorap shai, sol siiaqty 6 myń sharty metrlik qurylystyq aǵash materialdary, 100 tonna tsement, 20 myń kirpish, 90 qap qurylys qospasy, 15 tonna gipsokarton, 10 tonna qurǵaq qospa bar.
«Almaty oblysy ákiminiń bastamasymen gýmanitarlyq kómek uiymdastyrylyp, oǵan óńir kásipkerleri men kásiporyndary atsalysty. Sonyń nátijesinde 260 tonna birinshi kezektegi qajetti zattar men maqtaaraldyqtar úshin asa mańyzdy qurylys materialdary jinaldy.
Sonymen qatar Jetisý kerýenmen birge oblystyń eriktileri de keldi. Olar eldi mekenderdi qalpyna keltirý jumystaryna kómektesedi», - dedi «Nur Otan» partiiasy Almaty oblystyq filialy tóraǵasynyń birinshi orynbasary Janbolat Jórgenbaev.
Sol siiaqty oblystyq ákimdik ókilderiniń aitýynsha, qurylys materialdaryn óndiretin iri kásiporyndardyń biri «Knauf» kompaniiasy Maqtaaral aýdanyndaǵy áleýmettik nysandardyń birin qalpyna keltirý úshin ózi óndirgen jylýustaǵysh pen qurylys qospalaryn kómek retinde beredi.
Óz kezeginde Túrkistan oblysy ákiminiń orynbasary Sáken Qalqamanov osyndai qiyn shaqta qol ushyn sozyp, kómek jasaǵan jetisýlyqtarǵa rizashylyǵyn bildirdi.
