سونىڭ ىشىندە 18 توننا ۇن، 7 توننا كۇرىش، 3630 ليتر كۇنباعىس مايى، 6 توننا ماكارون ونىمدەرى، 500 كگ ارپا جارماسى، 4،5 توننا قانت، 548 قوراپ شاي، سول سياقتى 6 مىڭ شارتى مەترلىك قۇرىلىستىق اعاش ماتەريالدارى، 100 توننا سەمەنت، 20 مىڭ كىرپىش، 90 قاپ قۇرىلىس قوسپاسى، 15 توننا گيپسوكارتون، 10 توننا قۇرعاق قوسپا بار.
«الماتى وبلىسى اكىمىنىڭ باستاماسىمەن گۋمانيتارلىق كومەك ۇيىمداستىرىلىپ، وعان ءوڭىر كاسىپكەرلەرى مەن كاسىپورىندارى اتسالىستى. سونىڭ ناتيجەسىندە 260 توننا ءبىرىنشى كەزەكتەگى قاجەتتى زاتتار مەن ماقتاارالدىقتار ءۇشىن اسا ماڭىزدى قۇرىلىس ماتەريالدارى جينالدى.
سونىمەن قاتار جەتىسۋ كەرۋەنمەن بىرگە وبلىستىڭ ەرىكتىلەرى دە كەلدى. ولار ەلدى مەكەندەردى قالپىنا كەلتىرۋ جۇمىستارىنا كومەكتەسەدى»، - دەدى «Nur Otan» پارتياسى الماتى وبلىستىق فيليالى ءتوراعاسىنىڭ ءبىرىنشى ورىنباسارى جانبولات جورگەنبايەۆ.
سول سياقتى وبلىستىق اكىمدىك وكىلدەرىنىڭ ايتۋىنشا، قۇرىلىس ماتەريالدارىن وندىرەتىن ءىرى كاسىپورىنداردىڭ ءبىرى «Knauf» كومپانياسى ماقتاارال اۋدانىنداعى الەۋمەتتىك نىسانداردىڭ ءبىرىن قالپىنا كەلتىرۋ ءۇشىن ءوزى وندىرگەن جىلۋۇستاعىش پەن قۇرىلىس قوسپالارىن كومەك رەتىندە بەرەدى.
ءوز كەزەگىندە تۇركىستان وبلىسى اكىمىنىڭ ورىنباسارى ساكەن قالقامانوۆ وسىنداي قيىن شاقتا قول ۇشىن سوزىپ، كومەك جاساعان جەتىسۋلىقتارعا ريزاشىلىعىن ءبىلدىردى.
