Maqtaaraldyqtar Joldaýyn zor yqylaspen qabyldady
Apparat qyzmetkerleri Prezidenttiń Joldaýynda aitylǵan tyń bastamalardy zor yqylaspen qabyldady. Ásirese, «Áleýmettik jańǵyrýdyń jańa kezeńi» atty bólimindegi áleýmettik salalar men halyqtyń áleýmettik jaǵdaiyn kóterýge baǵyttalǵan josparlardy jergilikti jerde oryndaýǵa qulshyna kirisetindikterin aitty.
Aita keteiik, Prezidenttiń Joldaýyn Maqtaaral aýdanynyń derbes bólimderi, kentter men aýyldyq okrýg ákimi apparatynyń ujymdary jáne basqa da memlekettik mekemeler men jekemenshik mekemelerdiń ujymdary jumys oryndarynda tamashalap, ózara pikirler almasty.
– Prezidentimiz Qasym-Jomart Toqaevtyń búgingi Qazaqstan halqyna arnalǵan tuńǵysh Joldaýynda elimizdegi mańyzdy jailar tolyq qamtylǵanyn kórip riza boldym. Ásirese, Prezidentimizdiń orta jáne shaǵyn biznestiń damýyna jasalǵan kez kelgen kedergilerdi memleketke qarsy jasalǵan qylmys retinde qabyldaý kerek degen sózine dán riza boldym. Bul – ásirese men sekildi aýyl sharýashylyq salasynda kásipkerlikpen ainalysyp jatqan azamattar úshin erekshe mańyzdy dep esepteimin. Sondai-aq, orta jáne shaǵyn kásipkerlikke jańa serpilis berip, tyń jobalarǵa ekpin berip, Úkimetke «Biznestiń jol kartasy» aiasynda aldaǵy úsh jylda qosymsha 250 milliard teńge qarjy bóldirý jónindegi tapsyrmasy kásipkerlik úshin úlken qoldaý dep esepteimin, – dedi Dostyq aýylynda turatyn «Sharýa» sharýa qojalyǵynyń tóraǵasy Ziiadin.
Prezidentimiz Q.Toqaev Joldaýynda túrli máseleler, sonyń ishinde memlekettik til, memelekettik qyzmet, azamattyq qoǵam, etnosaralyq tatýlyq siiaqty birqatar taqyryptar qozǵaldy. Aldaǵy jyly atalyp ótetin mańyzdy merei toilar men eleýli oqiǵalarǵa daiyndyq jumystary bastalǵandyǵyn aita kele, keler jyly bárimiz Ál-Farabi babamyzdyń 1150 jyldyq, Abai Qunanbaev atamyzdyń 175 jyldyq mereitoilaryn atap ótiletindigin meni erekshe qýantty. Sonymen qatar, Memleket basshysy muǵalimderdiń máselesin de nazardan tys qaldyrmai, “Pedagogtardyń mártebesi týraly” jańa Zań qabyldaýdy tapsyrǵanyn – barlyq ustazdar qaýymy zor yqylaspen qabyldady. Óz kezeginde Maqtaaral aýdanynyń bilim bóliminiń ádistemelik kabinettiń meńgerýshisi Ý.Islamova da óz oiyn ortaǵa saldy.
– QR Prezidenti K.Tokaev 2019 jylǵy 2-qyrkúiektegi Qazaqstan halqyna Joldaýynda – Qazaq tiliniń memlekettik til retindegi róli kúsheiip, ultaralyq qatynas tiline ainalatyn kezeńi keledi dep esepteimin. Biraq mundai dárejege jetý úshin bárimiz dańǵaza jasamai, jumyla jumys júrgizýimiz kerek ekenin Prezident eskertti. Sondai-aq, eń mańyzdy merekege – Táýelsizdiktiń otyz jyldyǵyna bailanysty tiisti is-sharalardy iske asyrýymyz qajettigin aitty. El ómirindegi osyndai eleýli oqiǵalar jas urpaqty naǵyz otanshyldyqqa tárbieleýge jol ashatynyna senimdimin.
Joldaýynda Prezident mektep bitirýshilerdiń qabiletin aiqyndap, kásibi baǵyt-baǵdar berý eń negizgi másele ekendigine, iaǵni orta bilim berýdiń ulttyq standarty bolyp tabylatynyn aitty. Sondai-aq, qala men aýyl mektepteri arasyndaǵy orta bilimniń sapasy alshaqtap baratyndyǵyn, bilikti pedagog kadrlardyń tapshylyǵy, oqýshylardyń bilim sapasyna tikelei áser etetindigin tilge tiek etti. Bul bastamalardy maqtaaraldyqtar qoldaityndyqtaryn ashyq aitty.
