Jerdi óńdeýdiń jańa ári tıimdi tásilin qoldanýdyń nátıjesinde Maqtaaraldaǵy 95 myń gektar jerge sebilgen shıtti maqtadan ortasha eseppen gektaryna 21-24 sentnerden ónim alý kózdelip otyr. Búginde aýdandaǵy maqta qabyldaý beketterine 15 myń tonnadan astam aq altyn kelip túsken bolsa, dıqandar terim bitkenshe 200 myń tonna aq ulpa jınap alýdy josparlaýda.
Bıylǵy maqta kelisiniń baǵasy — 165 teńge. Básekelestik ortada maqtanyń baǵasy 200 teńgege deıin kóteriledi degen boljam bar.
Jalpy bıyl Ońtústik Qazaqstanda 134,6 myń gektar jerge maqta shıti sebilgen. Bul ótken jylmen salystyrǵanda 25 myń gektarǵa artyq. 2016 jyly sharýalar ár gektaryna ortasha eseppen 26,2 sentnerden ónim alyp, barlyǵy 286,4 myń tonna aq ulpa jınaǵan. Egis kóleminiń artýyna baılanysty óńirde 300 myń tonnadan astam maqta jınalady dep josparlanýda.
OQO Óńirlik komýnıkasıalar qyzmetiniń uıymdastyrýymen ótken aqparattyq týr kezinde jýrnalıser maqtaly aımaqtaǵy memlekettik baǵdarlamalardyń aıasynda kómek alyp, óndirisin keńeıtip, aýdannyń áleýmettik-ekonomıkalyq damýyna aıtarlyqtaı atsalysyp júrgen birqatar sharýashylyqtar men óndiris oshaqtaryn aralap, jumysymen tanysatyn bolady.
OQO ákiminiń baspasóz qyzmeti
