Halqymyzdyń ómir saltynda bar, alaıda kóp toılana bermeıtin, mal semirip, egin orylyp, shóp shabylyp, eldiń berekege keneletin kezinde atap ótiletin «Mızam» ulttyq merekesin halyq arasynda keńinen nasıhattaý, umytyla bastaǵan osy dástúrdiń kóne dástúrge saı nusqasyn BAQ arqyly el arasyna taratý – is-sharanyń basty maqsaty.
Jıyndy Maqtaaral aýdany ákiminiń orynbasary A.Eshanqulova men ortalyq kitaphana dırektorynyń orynbasary P.Esenbekov izgi tilegimen ashyp berse, ádet-ǵuryp jáne salt-dástúr ortalyǵy dırektorynyń mindetin atqarýshy Gúlshat Jahanqyzy is-sharany qorytyndylap, rızashylyǵyn bildirdi jáne birneshe mádenıet qyzmetkerlerin alǵys hatpen marapattady.
Sondaı-aq, «Maqtaaral» mádenıet úıiniń ónerpazdary án men jyrdan shashý shashyp, ulttyq dástúrimiz jaıly kórinisin kópshilikke usyndy.
«Mızam» – kún men túnniń kúz aıynda teńelý sátine oraı toılanatyn jalpyhalyqtyq mereke. «Mal baqqandiki, otyn shapqandiki» demekshi, ol malǵa – mal, janǵa – jan qosyp, ala jazdaı arqa eti arsha, borbaı eti borsha bolyp eńbektengen baǵbandar men dıqandardyń qurmetine arnalǵan toı» - dedi Altyn Kúntýqyzy.
Festıválde aýdan turǵyndarynyń kóne dástúrge saı qysqa daıyndyq barysy, atap aıtqanda qoı kúzeý, qarynǵa maı saqtaý, et súrleý, dıqandar men baǵbandardyń jınaǵan kúzdik ónimderi t.b. kópshilik nazaryna usynyldy.
Maqtaaral aýdany ákiminiń baspasóz qyzmeti
