Maqtaaral mektepteriniń oqý jylyna daiyndyq barysy pysyqtaldy
Eń aldymen jylý berý maýsymyna daiyndyq jumystaryn júrgizý maqsatynda bilim berý uiymdarynyń jylý qazandyqtaryna, jylý júielerine shaiý, tazalaý, gidravlikalyq synaqtan ótkizý jumystary júrgizilipti.
Gidravlikalyq synaqtan ótkizý kezinde 28 mekteptiń jylý júielerinen aqaýlar anyqtalyp, aqaý aktileri túzilgen. Anyqtalǵan kemshilikterdi joiý úshin smetalyq qujattar daiyndalyp, aýdandyq biýdjetten 5 mln. 747 myń teńge qarjy qaralǵan. Qazirgi tańda memlekettik satyp alý jumystary júrgizilýde eken.
74 mln. teńgeni quraityn jalpy qajettiligi 6240 tonna qatty otynǵa konkýrs ótkizilip, merdiger anyqtalǵan. Búgingi kúnge deiin qatty otynnyń tasymaldanǵany 4020 tonnany qurapty. Qalǵan 2220 tonna kómir aǵymdaǵy jyldyń 23 tamyzyna deiin tasymaldanyp, bilim berý mekemeleri tolyq qatty otynmen qamtamasyz etiletin bolady.
Jańa oqý jylyna daiyndaý maqsatynda bilim berý uiymdaryna aǵymdaǵy jóndeý jumystaryn júrgizý úshin aýdandyq biýdjetten 9 mln. 906 myń teńge qarjy qaralyp, qajetti qurylys zattary (ák, boiaý, vodoemýlsia, rastvoritel shetka t.b.) jetkizilgen. Qazirgi tańda aǵymdaǵy jóndeý jumystary tolyǵymen aiaqtalǵan. Al, kúrdeli jóndeý jumystaryna Jambyl aýyldyq okrýginde ornalasqan S.Muqanov atyndaǵy jalpy orta mektebine 160 mln. 464 myń teńge jáne Myrzakent kentinde ornalasqan Abylaihan atyndaǵy jalpy orta mektebine 358 mln. 934 myń teńge qarjy qaralǵan.
S.Muqanov atyndaǵy jalpy orta mektebine kúrdeli jóndeý jumystarynyń 90 paiyz jumysy aiaqtalǵan bolsa, Abylaihan atyndaǵy jalpy orta mektebine memlekettik satyp alý jumystary júrgizilip, jeńimpaz merdiger anyqtalyp otyr.
Jańa oqý jylynda oqýshylardy oqýlyqtarmen jáne oqý-ádistemelik keshenderimen tolyq qamtý úshin jergilikti biýdjetten 268 mln. 840 myń teńge qarjy bólingen. Oqýlyqtardy qaita basyp shyǵarý kestesine sáikes, oqýlyqtar men oqý-ádistemelik keshenderin satyp alý úshin 11 baspamen 130 091 oqýlyqqa kelisim-sharttar túzilgen jáne sonyń 52,5 paiyzy tasymaldanyp úlgergen eken.
Aita keteiik, Maqtaaral aýdany boiynsha 2019-2020 oqý jylynda 1-11 synyp aralyǵynda 27374 oqýshy bilim alady dep josparlanýda.
Maqtaaral aýdany ákiminiń baspasóz qyzmeti
