OTAU TV qazaqstandyq jerseriktik televiziia júiesinde 49 bop tirkelgen telearna Qazaqstan musylmandary dini basqarmasynyń bazasynda qurylyp otyr, dep málimdedi QMDB-nyń aqparat jáne qoǵammen bailanys bólimi.
“Budan bylai Qazaqstan musylmandary dini basqarmasynyń televiziia baǵytyndaǵy aqparattyq ári nasihattyq is-sharalary men jumystary osynaý MUNARA TV telearnasy arqyly júzege asatyn bolady. MUNARA TV azamattardyń dini saýatyn ashý men arttyrýdy, jas aýditoriianyń boiyna adamgershilik, ultty súiý, imandylyq sekildi qasterli qundylyqtardy sińirýdi kózdeidi", - delingen Dini basqarma taratqan málimette.
Sonymen qatar telearna basshylyǵy onlain rejimdegi dárister uiymdastyrýdy, eldegi, álemdegi aktýaldy máseleler tóńireginde kórermen kókeiinde júrgen saýalǵa tikelei efirde jaýap berýdi josparlaýda.
Aita ketelik QMDB-nyń MUNARA atty respýblikalyq rýhani-tanymdyq baǵyttaǵy basylymy bar. Bolashaqta MUNARA FM radiosyn ashý da josparlanyp otyr.
Dini basqarmaǵa tikelei baǵynatyn tól telearna men radiony iske qosý uiymnyń 2020-2025 jyldaǵy strategiialyq damý baǵdarlamasynda kórsetilgen.
Ótken jyldyń qarashasa aiynda Qazaqstan musylmandary dini basqarmasy "Asyl arna” telearnasynyń birjolata jabylyp, "Halyq arna" telearnasynyń ashylǵanyn málimdegen bolatyn.
