Maqsat Úsenov Tailand politsiiasy ustaityndai ushaqta ne istedi? (video)
Bul týraly Facebook jelisinde Pavel Koktyshev esimdi qoldanýshy jazdy. Kýáger Úsenovtiń ushaq bortynda shylym shekkenin jáne jurttyń mazasyn alǵanyn jazdy.
− Eldiń zańy jumys istemese, fizika zańdary jumys isteýi múmkin... Búgin Bangkokke búgingi reispen Maqsat Úsenovpen birge ushtym. Bizdiń sotqa suraǵym bar, nege men siiaqty zańǵa baǵynatyn azamatty qaýipte qaldyrady? Úsenov ushý barysynda tynysh otyra almady, kórshilerin mazaq etti, bastapqyda stiýardessalardan shylym shegýge ruqsat berýin jalynyp, keiin tipti 200 baks usyndy, sosyn aqyry temeki shekken siiaqty, sebebi stiýardessalar akt toltyryp berdi. Birdeńe búldirmesin dep ekipajdyń jartysy ony baqylaýmen boldy. Óte yńǵaisyz boldy. Uiyqtap alǵannan keiin de qýýyn toqtatpady, belbeý taǵýdan bas tartyp, arqalyǵyn kótergisi kelmedi. Sońynda qonǵan kezimizde jergilikti politsiia jasaǵy ony alyp ketti. Ekipaj, jaraisyzdar! − dep jazdy Facebook jelisinde Pavel Koktyshev.
Degenmen Tailand áýejaiynyń politsiiasy Maqsat Úsenovti jaýapqa tartpapty. Bul týraly Facebook jelisinde QR SIM resmi ókili Ánýar Jainaqov habarlady.
− Tailand elordasynyń quqyq qorǵaý organdarynyń ókilderi qazaqstandyq diplomattarǵa azamat Úsenovke qatysty tekseris júrgizilgenin habarlady. Onyń Bangkokke Vetnamǵa bara jatqan jolda tranzitpen toqtaǵany belgili boldy. Osyny eskere otyryp, politsiia qyzmetkerleri Vetnam áýe kompaniiasynyń ókilderine habarlasyp, bizdiń otandasymyzdyń oqiǵasyn habarlady. Úsenovtiń tártipti saqtaýǵa jáne ekipajdyń talaptaryn oryndaýǵa kelisim bergennen keiin Vetnam áýe kompaniiasy ony bortqa alýǵa kelisim berdi, − dep habarlady Jainaqov.
Osylaisha, onyń aitýynsha, Bangkok politsiiasy jaǵdailardy eskere otyryp, tártip buzǵan adamdy qamaýǵa almai, jaýapqa tartýdan bas tartypty.
Maqsat Úsenov Bangkokten Hoshiminge jergilikti ýaqyt boiynsha saǵat 11:20-de ushyp ketipti. "Óz atymnan aitarym, kez kelgen jolaýshynyń ushaq bortynda mundai beiadekvat áreketi narazylyq qana emes, oǵan degen aiaýshylyq sezimin týǵyzady. Chýkovskiidiń "Moidodyrynan" "Styd i sram!" degen sózi ǵana eske oralady", - dep jazdy SIM resmi ókili.
https://www.youtube.com/watch?v=1a4DqQJ2fbE
https://www.youtube.com/watch?v=nYYmSQ-XCRE
