Baspasóz týry Teplostil JShS óndirisin baryp kórýden bastaldy, ol jyl saiyn 240 000 sharshy metr jylýy bar qasbettik jylý panelin, kúsheitilgen polistirol kóbikten jasalatyn sándik buiym shyǵarady. Jobanyń quny 800 mln teńgeni quraidy, kásiporynda 30 adam jumys isteidi.
Ekinshi nysanda Buqaralyq aqparat quraldarynyń ókilderi Hyundai Trans Kazakhstan avtokólik quralynyń óndirisimen tanysty. Kásiporyn 2022 jyly Hyundai Bayon yqsham qalalyq krossoveriniń pilottyq partiiasyn shyǵarýǵa kiristi. Qazirgi ýaqytta, zaýyt shaǵyn túiin ádisimen shanaǵyn dánekerlep jáne boiap, Hyundai avtokólik quralynyń – Sonata, Elantra, Santa Fe, Palisade, Tucson, Staria, i30, Bayon, sondai-aq Tucson, Accent sekildi 10 úlgisin shyǵarýda. Kásiporynnyń qýattylyǵy jylyna 45 myń birlik. Zaýytta 800-den astam maman jumys isteidi.
Sondai-aq, tilshiler «Bijan» EÓZ» JShS qyzmetimen tanysty. Jyl saiyn et óńdeý zaýyty Indýstrialdy aimaqta 5 myń tonnadan astam ónim óndiredi, shujyq ónimderi men jartylai daiyn ónimderi ataýynyń 100-den astam túri bar. Kásiporynda 250 jumys orny qurylǵan.
«Álmerek» JShS bir ret qana qoldanylatyn meditsinalyq maqsattaǵy buiymdarynyń óndirisi boiynsha zaýyty – eksportqa baǵyttalǵan kásiporyn.
Otandyq óndirýshi ónimdi satýdy Qazaqstannyń barlyq óńirlerinde ǵana emes, sonymen qatar, EýroAziialyq ekonomikalyq odaq elderiniń naryǵyna shyǵýdy josparlap otyr. Búginde, kásiporyn jylyna 28 mln birlik ónim shyǵarady, 50 jumys orny quryldy.
Baryp kórýdiń taǵy bir nysany «Ala Estate» ónerkásiptik parki boldy, onda búgingi kúni otandyq daiyndaýshylardyń bólmearalyq esikteriniń óndiristeri («LePorte M» JShS jáne «Absoliýt Flor» JShS) jáne «Qulpinay» JShS konditerlik kompaniiasy ornalastyrylǵan. Aýdany 4,3 myń sharshy metrdi quraityn ónerkásiptik park shaǵyn jáne orta biznes sýbektilerine 1 sharshy metri úshin 1200 teńge mólsherinde jeńildetilgen, bekitilgen jalǵa alý mólsherlemesi boiynsha daiyn infraqurylymymen daiyn óndiristik úi-jailar beredi. Joba 140 jańa jumys ornyn qurýǵa múmkindik berdi.
Búginde, Almaty Indýstrialdy aimaǵynda jeke investitsiiasy 119,8 mlrd teńgeni quraityn 20 joba iske asyryldy, 647,5 mlrd teńgege ónim óndirildi, 20,7 mlrd teńge salyq aýdarymdary tólendi, 2 913 jumys orny quryldy.
2022 jyly 65 jumys orny quryla otyryp, somasy 4,6 mlrd teńgeni quraityn «Kaz-Dia-Test» JShS zaýyty iske qosyldy. Jyldyń sońyna deiin 211 jumys ornyn qura otyryp, jalpy somasy 6,8 mlrd teńgeni quraityn 5 kásiporyndy («VALTHERM», «City Stone», «TEPLOSTIL», «Stroy Production», «ElektroBar») iske qosý josparlanyp otyr.
Budan basqa, 2022 jyly jeke investitsiianyń jalpy somasy 1,5 mlrd teńgeni quraityn, jalpy alańy 15 300 sharshy metr bolatyn 4 shaǵyn ónerkásiptik parkti iske qosý josparlanyp otyr.
Dalanews anyqtamasy:
Almaty Indýstrialdy aimaǵy jeke kásipkerlikke memlekettik qoldaý kórsetý maqsatynda quryldy jáne Almaty qalasynda ónerkásiptiń basym salalaryn (mashina jasaý, tamaq, jeńil, farmatsevtika, himiia ónerkásibi, logistika, qurylys materialdarynyń óndirisi) damytý úshin kózdelgen.
Bul rette, ónerkásip kásiporyndaryn qalanyń turǵyn aýdanynan basqa jaqqa qaita ornalastyrýǵa, tehnologiialyq, innovatsiialyq ónimder shyǵarýǵa, importty aýystyrýǵa baǵyttalǵan investitsiialyq jobalarǵa basymdyq beriledi.
Ónerkásiptik aimaq aýmaǵynda barlyq qajetti infraqurylym – gazben qamtamasyz etý, sýmen qamtamasyz etý, elektr energiiasy, káriz qubyry, nóser kárizi, internet, kábildik telefoniia, jol jelisi bar, «Indýstrialdy» jeke temirjol stantsiiasynyń qurylysy júrgizilýde.
