Maqpaldy toiǵa shaqyrǵan bailar aqysyn bermei, aldap ketipti
«Vse v shokolade» taqyrybyndaǵy baǵdarlama ánshi Sivi Mahmýdi týraly boldy. Al Maqpal Júnisova Sividiń qyzy Salidattyń kindik sheshesi eken.
– Men Sividiń shyǵarmashylyǵymen tanys emes ekenmin. Óitkeni teledidar kórmeimin ǵoi. Únemi gastrolde, toida júremin.
Meni de teledidardan kórsete bermeidi. Sizder 2 jyl buryn kórsetkenderińiz bolmasa, «Habar» shaqyrmaidy, «Qazaqstan» da kórsetpeidi.
MuzZone kórsetti, onda da 5 myń dollar tóledim ǵoi, – dep ánshi Maqpal Júnisova áńgimeni bir qaiyrdy.
Negizinen, áý basta, Maqpal Júnisova bul otbasyǵa Sividiń ákesi Mahmýdi arqyly jaqyndasqan eken.
– Keiinnen Sivimen jaqynnan aralasa bastadym. Onda da alǵashynda ákesimen tanys boldym. Ol kisi qazaq estrada juldyzdaryna óte kóp kómektesedi. Materialdyq jáne rýhani jaǵynan da. Barlyq kontsertterine shaqyrady. Árine, jaqsy tóleidi. Anda-mynda júremiz. Jolymyzǵa, tamaǵymyzǵa deiin tóleidi. Biz eńbegimizdi laiyqty deńgeide baǵalaǵan adamdardy jaqsy kóremiz.
Mysal úshin bireýler bárin úiip-tógemiz dep toiǵa shaqyrady. Sodan soń baryńdy salyp tyrysyp, úlde men búldege oranyp, toiǵa kelesiń. Kezegińdi kútip, ánińdi salasyń, sol toiǵa kelgenniń barlyǵymen derlik sýretke túsip, avtograf beresiń.
Qoishy, alatyn aqyńdy aqtaityndai etip, ábden aq ter kók ter bolasyń. Al odan keiin, aqshańdy bermei qoiady…
Áńgime osy araǵa kelgende baǵdarlama júrgizýshisi Aleksandr Shahmatov tań qalysyn jasyra almady:
– Sizge, Maqpal Júnisovaǵa aqsha tólemei qoia ma?..
– Iá, bir emes, mundai birneshe ret bolǵan. Onda da óte bai adamdar.
– Aty-jónderin aityp, uialtaiyq ta ondailardy…
– Joq. Olai etkim kelmeidi. Jalpy, qazir qorqatyn boldyq. Sondyqtan uiat ta bolsyn, aldyn ala aqysyn tóle dep surap alamyz (kúledi)…
Derekkózi: kaz.365info.kz
