Maqpal Isabekova 1 million oqyrmany bar Instagram paraqshasyn satpaqshy
Bul týraly ánshi óziniń jelidegi paraqshasynda jazdy.
«Aiaq astynan sanama bir oi keldi. Muny oqyp otyrǵan adamdardyń qalai qabyldaitynyn bilmeimin. Alaida men million oqyrmany bar bul paraqshamdy satylymǵa shyǵarýdy jón kórdim. Odan túsken paidany aqshaǵa muqtaj bir janǵa bermekpin. Ol adamnyń atyn mindetti túrde atap, sizderge kórsetetin bolamyn. Tek aldymen oiym júzege assyn. Óziniń isin alǵa bastyrý úshin meniń paraqshamdy satyp alǵysy keletin jandar tabylady dep oilaimyn. Nemese osynsha oqyrmany bar paraqshany jai ǵana iemdengisi keletin jandar bar shyǵar. Alǵashqy baǵasy – 1 500 000 teńge. Budan da kóp aqsha usynatyn jandar tabylsa nur ústine nur. Ótinemin, munyń astynan bir kir izdeýdiń qajeti joq. Adal nietpen jasalynyp otyrǵan dúnie», – dep jazdy ol.
Óz sózinde ánshi jańa paraqsha ashatynyn, jańa jyldy jańa leppen bastaitynyn aityp ótti.
«Meniń adamdarym meni taýyp alady, ony bilemin. Sizderge degen mahabbatpen», – dep túiindedi sózin Maqpal.
