Halyq artısi, tanymal akter Tuńǵyshbaı Jamanqulov memleket qarjysyn qoldy qyldy degen aıyppen qamaýǵa alyndy. Buǵan deıin Jamanqulov prodúserlik etetin «Fenıks» kórkem fılmine qatysty daý týyndap, birneshe tekserý bolǵan.
«Fenıks» kórkemfılminen bastalǵan daý Jamanqulovtyń qamalýyna ulasty. Ataqty akter 69 mıllıon teńge jymqyrdy degen resmı oryndar ol qarjy fılmniń daıyndyq jumystaryna bólingen deıdi. Qamaýǵa alynbaı turyp Jamanqulov «Fenıks» fılmi jeke sharýam, men eshqandaı qarjylyq sharýaǵa qatysym joq degen.
Tuńǵyshbaı Jamanqulov, QR Halyq artısi:
— Ý mená nı odnoı podpısı, nı odnoı býmagı. Esttam ıspolnıtelnyı prodúser, onı tratát dengı. Ia prosto nashel dengı. I na mená etot krımınal ne podoıdet nı v koem slýchae. Eslı daje ıh posadát.
Osylaısha tanymal artıs bir aı ýaqyt buryn áriptesteri aldynda arym taza dep aqtalǵan. «Fenıks» fılmine qatysty quzyrly oryndar eki márte tekserý júrgizip ilik taba almaǵan eken. Jamanqulovtyń qamaýǵa alynǵanyn estigen kópshilik munyń artynda yqpaldy adam tur dep topshylaıdy. Sebebi atalǵan fılmge qatysty akter men mınıstrlik arasynda kelispeýshilikter bolǵan. Alaıda búgin mınıstr Muhamedıuly aqparattyq portaldar arqyly óz málimdemesin jasady.
Mınıstr zań ókilderine tikeleı yqpal jasaı almasa da, ony kepildikpen qamaýdan bosatýǵa ótinish jasaıtynyn aıtty. Al jaısyz habardy estigen óner adamdarynyń kóbi Jamanqulovtyń ustalýyna qatysty pikir aıtýdan qashty. Al ánshi Maqpal Júnisova Halyq artısin birden qamap tastaý soraqylyq deıdi.
Maqpal Júnisova, QR Halyq artısi, ánshi:
— Jamanatqa qımaımyz, árıne. Keıin baqylap otyramyz ǵoı. Biraq ol kisini birden jaýyp tastaıtyndaı endi, mysaly, nebir adam óltirgenderdiń «úı qamaqpen» otyrǵandaryn estip jatamyz biz. Endi 200 myń dollar ókimetten urlady dep birden qamap tastaý degen sumdyq qoı.
Ázirge óner adamdary tarapynan teatr tarlanyna arasha túsý, aqtaý áreketteri baıqalmady. Tuńǵyshbaı Jamanqulovqa qatysty bultartpaý sharasy qandaı bolatyny erteń belgili bolmaq.
https://www.youtube.com/watch?v=qddcciiYvCo
