Ortalyq kommýnikatsiialar qyzmetiniń Dezinformatsiiaǵa qarsy kúres ortalyǵynyń jańa shyǵarylymynda mediadaǵy jáne áleýmettik jelilerdegi klikbeit pen manipýliatsiia máselesine nazar aýdaryldy,- dep habarlaidy Dalanews.kz
Mysal retinde qoǵam belsendisi Baqytjan Tóreǵojinaǵa qatysty jaǵdai keltirilgen. Onyń jazbalary shyndyqqa sáikes kelmeitin dep tanylyp, Qylmystyq-atqarý júiesi komiteti men ombýdsmen apparaty, meditsinalyq uiymdar, sanitariialyq-epidemiologiialyq baqylaý jáne Adam quqyqtary jónindegi ulttyq ortalyq ókilderi kirgen komissiia tarapynan resmi túrde teriske shyǵaryldy.
Eske salaiyq, 2025 jylǵy shilde aiynda Tóreǵojina jalǵan aqparat taratqany úshin sot sheshimimen ákimshilik jaýapkershilikke tartylyp, 20 AEK (78 640 teńge) mólsherinde aiyppul salyndy.
Ortalyq atap ótkendei, faktilerdi ásireleý men dramatizatsiia — manipýliatorlardyń jii qoldanatyn ádisi, ol resmi aqparat kózderine degen senimdi álsiretedi.
