22 maýsymda keshke birneshe turǵyn úi kesheniniń turǵyndary Almatydaǵy eń qarbalas kóshelerdiń biri - Tóle bi kóshesin jaýyp tastaǵan, dep habarlaidy dalanews.kz.
Turǵyndardyń aitýynsha, buǵan qurylys kompaniiasynyń elektr energiiasy úshin bereshegi sebep bolǵan. Sonyń saldarynan olar jaryq pen sýyq sýsyz qalǵan.
River City, New Life jáne Adele turǵyn úi keshenderiniń turǵyndary "Qazaqstroi" kompaniiasynyń energetikalyq uiym aldyndaǵy qaryzy jinalyp qalǵanyn aitady. Osyǵan bailanysty úilerde elektr qýaty jii óshiriledi.
Turǵyndardyń sózinshe, jaryq pen sýyq sý bolmaýy kúndelikti turmysqa aitarlyqtai qiyndyq týǵyzǵan. Azyq-túlik buzylyp, jumys isteý men bilim alýǵa kedergi keltirgen.
Osy jaǵdaiǵa narazy bolǵan turǵyndar Tóle bi kóshesine shyǵyp, kólik qozǵalysyn ýaqytsha toqtatqan. Olardyń aitýynsha, qurylys kompaniiasy máseleni sheshýdiń ornyna únemi ýáde berýmen shektelgen.
