Mańǵystaý óńirindegi jerasty meshitteri men olarǵa bailanysty qasietti nysandar IýNESKO-nyń Búkilálemdik muralar tizimine engizildi. Bul sheshim Ońtústik Koreianyń Pýsan qalasynda ótken IýNESKO-nyń Búkilálemdik mura komitetiniń 48-sessiiasynda qabyldandy, dep habarlaidy dalanews.kz.
Mádeniet jáne aqparat ministrliginiń málimetinshe, atalǵan nominatsiiany ázirleý jáne halyqaralyq deńgeide ilgeriletý jumystary Memleket basshysy Qasym-Jomart Toqaevtyń 2024 jyly Atyraýda ótken Ulttyq quryltaidyń úshinshi otyrysynda bergen tapsyrmasy aiasynda júzege asqan. Prezident sol kezde Mańǵystaýdyń biregei tabiǵi jáne tarihi-mádeni murasyn saqtap, álemdik deńgeide nasihattaýdy, sondai-aq óńirdegi jerasty meshitterin IýNESKO tizimine engizý jumystaryn bastaýdy tapsyrǵan edi.
IýNESKO tizimine engen seriialyq nysanǵa bes qasietti keshen kirdi. Olar – Shopan ata, Qaraman ata, Shaqpaq ata, Sultan epe jáne Beket ata.
Búkilálemdik mura komiteti bul nysandy IýNESKO-nyń (ii) jáne (iii) kriteriileri boiynsha moiyndap, ony sopylyq dástúr men kóshpeli halyqtardyń mádenieti ǵasyrlar boiy ózara yqpaldasýynyń nátijesinde qalyptasqan biregei rýhani-mádeni landshaft retinde baǵalady.
Árbir keshenniń quramyna jerasty meshitterimen qatar tarihi qorymdar, áýlie sanalǵan sopy ustazdardyń keseneleri, ziiarat joldary, qasietti qudyqtar jáne basqa da dini mańyzy bar nysandar kiredi. Bul oryndar búginge deiin qajylyq jáne ziiarat etý dástúri úzilmegen, rýhani sabaqtastyq saqtalǵan mańyzdy ortalyqtardyń biri sanalady. Sonymen qatar munda qasietti oryndardyń shyraqshylyq dástúri de jalǵasyp keledi.
Ministrliktiń málimetinshe, atalǵan bes keshenniń barlyǵy memleket qorǵaýyna alynǵan jáne respýblikalyq mańyzy bar tarih jáne mádeniet eskertkishteriniń memlekettik tizimine engizilgen.
Olardy saqtaý maqsatynda 2027–2032 jyldarǵa arnalǵan keshendi basqarý jospary ázirlenip jatyr. Qujatta tarihi nysandardy konservatsiialaý, qasietti landshaftty qorǵaý, týristik aǵyndy tiimdi retteý, yqtimal qaýipterdiń aldyn alý jáne ǵylymi-zertteý jumystaryn júrgizý kózdelgen.
