Mańǵystaý oblysynyń Munaily aýdanynda 12 jastaǵy balanyń qaza bolýyna bailanysty qylmystyq is qozǵaldy, dep habarlaidy dalanews.kz.
Qaiǵyly oqiǵa 1 maýsym kúni bolǵan. Jeke turǵyn úi aýlasynan 2014 jyly týǵan mektep oqýshysynyń denesi tabylǵan.
Kýágerlerdiń sózinshe, alǵashynda balalardyń biri ony átkenshek teýip otyr dep oilaǵan. Alaida jaqyndap kelgende balanyń qozǵalyssyz jatqanyn baiqap, dereý úlkenderdi shaqyryp, jedel járdem men politsiiaǵa habar bergen.
Dárigerler oqiǵa ornyna kelgen kezde balanyń ajal qushqany belgili bolǵan.
Aldyn ala málimet boiynsha, qaiǵyly oqiǵa qoldan jasalǵan átkenshekte oinap júrgen kezde bolǵan. Bala alǵan jaraqatynan kóz jumǵan.
Qazir atalǵan derek boiynsha tergeý júrgizilip jatyr. Quqyq qorǵaý organdary oqiǵanyń mán-jaiyn anyqtaýda.
