Mańǵystaý oblysynda shamamen 40 million jyl buryn tirshilik etken akýlalardyń tisteri tabyldy, dep habarlaidy dalanews.kz.
Zertteý jumystaryn shvetsiialyq paleontolog Shtefan Kil men Yessenov University stýdentteri jáne oqytýshylary birge júrgizgen.
Ekspeditsiia kezinde ǵalymdar kittiń qabyrǵasyn, teńiz juldyzdarynyń qaldyqtaryn jáne ártúrli molliýskalardy da anyqtaǵan.
Mamandardyń sózinshe, kóne dáýirde Mańǵystaý óńiri alyp Tetis muhitynyń quramyna kirgen. Qazir shóleitti aimaq retinde belgili óńirdiń astynda milliondaǵan jyldyq teńiz tarihynyń izi saqtalǵan.
