"Mańǵystaýmunaigaz" AQ ókilderi kompaniiaǵa 32 milliard teńgeden astam aiyppul salynýyna qatysty málimdeme jasady, dep habarlaidy Dalanews.kz.
"Mańǵystaýmunaigaz” AQ Bas prokýratýranyń kompaniiaǵa 32 milliard teńgeden astam aiyppul salǵanymen kelispeitinin jetkizdi.
“Mańǵystaýmunaigaz” AQ qorshaǵan ortany qorǵaý jáne qaýipsizdik zańnamasyn múltiksiz saqtaityn áleýmettik jaýapty kásiporyn. Búginde "Mańǵystaýmunaigaz” AQ QR ÁQBtK-niń 328-babynyń 1-bóligi men 6-bóligi boiynsha 31 mlrd. teńge kólemindegi ákimshilik (ekologiialyq) aiyppulǵa qatysty Mańǵystaý oblysy Qaraqiia aýdandyq sotynyń 2024 jyldyń 4 jeltoqsandaǵy qaýlysyn qaita qaraý jáne onyń kúshin joiý týraly Qazaqstan Respýblikasy Joǵarǵy Sotynyń usynysyn engizý týraly ótinishhat ázirlep jatyr", delingen málimdemede.
Sonymen qatar, qazirgi ýaqytta "Mańǵystaýmunaigaz” munai jylytý peshterinen qorshaǵan ortaǵa lastaýshy zattardyń normadan tys emissiia faktisi boiynsha Mańǵystaý oblystyq sotyna birinshi satydaǵy sottyń 2024 jylǵy 11 jeltoqsandaǵy 1,2 mlrd.teńge kóleminde aiyppul óndirý týraly qaýlysyna apelliatsiialyq shaǵym túsirgenin habarlady. Qaraý kúni belgilenbegen.
Sottyń 2024 jylǵy 11 jeltoqsandaǵy qaýlysy zańdy kúshine enbegen.
Eske salaiyq, kúni keshe Bas prokýratýra «Mańǵystaýmunaigaz» AQ-na 32 mlrd aiyppul salynǵanyn habarlaǵan edi.
Mańǵystaý oblysynyń prokýratýrasy «Mańǵystaýmunaigaz» AQ-nyń qyzmetinde aǵyndy sýlardy jer qoinaýyna jiberý, sondai-aq tiisti shekteý ornatpai burǵylaý qaldyqtaryn jinaqtaýmen bailanysty óreskel zań buzýshylyqtar anyqtady.
Prokýrorlarmen qoldanylǵan sharalardyń nátijesinde, sottyń 4 jeltoqsandaǵy qaýlysymen kompaniia Ákimshilik quqyq buzýshylyq týraly kodekstiń 328-babymen ákimshilik jaýaptylyqqa tartylyp, 31 mlrd. teńge kóleminde aiyppul salyndy.
Sot aktisi zańdy kúshine endi.
Sondai-aq, munai jylytý peshterinen qorshaǵan ortaǵa lastaýshy zattardyń shamadan tys shyǵarylý faktisi de anyqtaldy.
Atalǵan fakt boiynsha 11 jeltoqsanda kompaniia qosymsha ákimshilik jaýaptylyqqa tartylyp, 1,2 mlrd. teńge aiyppul salyndy.
