IIM Ulttyq ulan borty jol apatynan qaza tapqan azamattardyń týystaryn Mańǵystaý oblysyna jetkizý úshin jiberildi,- dep habarlaidy Dalanews.kz.
Jol apatynan qaza tapqandardyń týystary olardyń denelerin sáikestendirý jáne basqa qajet rásimderdi ótkizý úshin ushyp barady.
"Bort qaza tapqandardyń denelerin óz aimaqtaryna jetkizý úshin de paidalanylady. Qaza tapqandardyń ishinde bes áiel Qaraǵandy oblysynan, bireýi Astana qalasynan", - dep jazylǵan habarlamada.
Eske salaiyq, keshe Mańǵystaý oblysynda 10 adamnyń ómirin qiǵan jol apaty boldy. Ishki ister ministriniń tapsyrmasymen jedel shtab quryldy. Shtab táýlik boiy jumys isteidi.
