QMA Mańǵystaý oblysy boiynsha departamenti «Sax Invest» qarjy piramidasynyń qurylymdyq bólimshesin basqarǵan uiymdasqan qylmystyq topqa qatysty tergeý júrgizýde, dep habarlaidy Dalanews.kz.
Buǵan deiin habarlanǵandai, kompaniia ózin investitsiialyq qor, baǵaly qaǵazdar, qarjy quraldary men basqa da aktivterdiń iesi, sondai-aq Afrikada almaz óndirý boiynsha jahandyq halyqaralyq jobanyń qatysýshysy retinde tanystyrǵan.
Nátijesinde uiymdastyrýshylar myńnan astam salymshydan zańsyz túrde 9 mlrd teńgeden astam qarajat tartqan.
Tergeý barysynda bul qarajattyń kóp bóligi kompaniia shotyna emes, piramidanyń uiymdastyrýshysy Mendyǵalievtiń jeke shotyna aýdarylǵany anyqtaldy.
Keiin bul qarajat onyń tarapynan jeke maqsattarǵa: onyń ishinde kazinoǵa 2 mlrd teńge, «Blaisiko» atty baqylaýyndaǵy kompaniianyń úlesin satyp alýǵa 28 mln teńge, Atyraý qalasyndaǵy eki páterge 70 mln teńge, jeke úi qurylysyna 120 mln teńge, shetelde demalýǵa 377 mln teńge, qyzynyń Londonda oqýyna 53 mln teńge jumsalǵan.
Qylmystyq jaýapkershilikten jaltarý maqsatynda 2023 jyldyń basynda Mendyǵaliev 143 salymshymen jalpy 1,2 mlrd teńgeden astam zalaldy óteýge qatysty mediativtik kelisimder jasaǵan.
Sondai-aq, ol 2023 jyldyń sońyna deiin 7 mlrd teńge somasynda 1000-nan astam salymshyǵa qarajatty qaitaramyn degen kepildik mindettemelerin bergen.
Alaida, bul ýádesine qaramastan, salymshylarǵa aqshalaryn qaitarmaǵan.
2024 jyldyń qarashasynda Mendyǵalievke halyqaralyq izdeý jariialandy.
Sot sanktsiiasymen kúdiktilerge tiesili jalpy quny 600 mln teńge bolatyn múlikke tyiym salyndy. Onyń ishinde: 4 páter, 2 jeke úi, 2 avtokólik, 10 myń USDT kólemindegi tsifrlyq aktivter, sondai-aq «ForteBank» pen «Qazaqstan Halyq Banki» AQ-nyń baǵaly qaǵazdary bar.
Kúdikti retinde Astana, Aqtóbe, Oral jáne Aqtaý qalalaryndaǵy qarjy piramidasynyń qurylymdyq bólimshelerin basqarǵan 10 adam tanyldy.
Olardyń 7-ine qamaýǵa alý túrindegi bultartpaý sharasy qoldanyldy.
