قما ماڭعىستاۋ وبلىسى بويىنشا دەپارتامەنتٸ «Sax Invest» قارجى پيراميداسىنىڭ قۇرىلىمدىق بٶلٸمشەسٸن باسقارعان ۇيىمداسقان قىلمىستىق توپقا قاتىستى تەرگەۋ جٷرگٸزۋدە, دەپ حابارلايدى Dalanews.kz.
بۇعان دەيٸن حابارلانعانداي, كومپانييا ٶزٸن ينۆەستيتسييالىق قور, باعالى قاعازدار, قارجى قۇرالدارى مەن باسقا دا اكتيۆتەردٸڭ يەسٸ, سونداي-اق افريكادا الماز ٶندٸرۋ بويىنشا جاھاندىق حالىقارالىق جوبانىڭ قاتىسۋشىسى رەتٸندە تانىستىرعان.
نەتيجەسٸندە ۇيىمداستىرۋشىلار مىڭنان استام سالىمشىدان زاڭسىز تٷردە 9 ملرد تەڭگەدەن استام قاراجات تارتقان.
تەرگەۋ بارىسىندا بۇل قاراجاتتىڭ كٶپ بٶلٸگٸ كومپانييا شوتىنا ەمەس, پيراميدانىڭ ۇيىمداستىرۋشىسى مەندىعاليەۆتٸڭ جەكە شوتىنا اۋدارىلعانى انىقتالدى.
كەيٸن بۇل قاراجات ونىڭ تاراپىنان جەكە ماقساتتارعا: ونىڭ ٸشٸندە كازينوعا 2 ملرد تەڭگە, «بلايسيكو» اتتى باقىلاۋىنداعى كومپانييانىڭ ٷلەسٸن ساتىپ الۋعا 28 ملن تەڭگە, اتىراۋ قالاسىنداعى ەكٸ پەتەرگە 70 ملن تەڭگە, جەكە ٷي قۇرىلىسىنا 120 ملن تەڭگە, شەتەلدە دەمالۋعا 377 ملن تەڭگە, قىزىنىڭ لوندوندا وقۋىنا 53 ملن تەڭگە جۇمسالعان.
قىلمىستىق جاۋاپكەرشٸلٸكتەن جالتارۋ ماقساتىندا 2023 جىلدىڭ باسىندا مەندىعاليەۆ 143 سالىمشىمەن جالپى 1,2 ملرد تەڭگەدەن استام زالالدى ٶتەۋگە قاتىستى مەدياتيۆتٸك كەلٸسٸمدەر جاساعان.
سونداي-اق, ول 2023 جىلدىڭ سوڭىنا دەيٸن 7 ملرد تەڭگە سوماسىندا 1000-نان استام سالىمشىعا قاراجاتتى قايتارامىن دەگەن كەپٸلدٸك مٸندەتتەمەلەرٸن بەرگەن.
الايدا, بۇل ۋەدەسٸنە قاراماستان, سالىمشىلارعا اقشالارىن قايتارماعان.
2024 جىلدىڭ قاراشاسىندا مەندىعاليەۆكە حالىقارالىق ٸزدەۋ جارييالاندى.
سوت سانكتسيياسىمەن كٷدٸكتٸلەرگە تيەسٸلٸ جالپى قۇنى 600 ملن تەڭگە بولاتىن مٷلٸككە تىيىم سالىندى. ونىڭ ٸشٸندە: 4 پەتەر, 2 جەكە ٷي, 2 اۆتوكٶلٸك, 10 مىڭ USDT كٶلەمٸندەگٸ تسيفرلىق اكتيۆتەر, سونداي-اق «ForteBank» پەن «قازاقستان حالىق بانكٸ» اق-نىڭ باعالى قاعازدارى بار.
كٷدٸكتٸ رەتٸندە استانا, اقتٶبە, ورال جەنە اقتاۋ قالالارىنداعى قارجى پيراميداسىنىڭ قۇرىلىمدىق بٶلٸمشەلەرٸن باسقارعان 10 ادام تانىلدى.
ولاردىڭ 7-ٸنە قاماۋعا الۋ تٷرٸندەگٸ بۇلتارتپاۋ شاراسى قولدانىلدى.
