Mańǵystaýdaǵy Ybyqty-Caı shatqalyn búldirip, jazý jazǵan sheneýnik jańa qyzmetke taǵaıyndaldy. Ol endi Aqtóbe oblysyndaǵy Baıǵanın aýdandyq mádenıet úıin basqardy, - dep habarlaıdy Dalanews.kz.
"Eýrazıa" telearnasynyń málimetinshe, Qazaq zaǵıptar qoǵamynyń qalalyq mádenıet úıiniń eks-dırektory Manas Kósherbaevtyń taǵy da basshylyq qyzmetke kelgen.
"Bıyl 15 aqpanda Baıǵanın aýdandyq mádenıet úıiniń dırektorynyń bos laýazymyna ornalasýǵa konkýrs jarıalandy, qujattary konkýrs talaptaryna sáıkes keletin kez kelgen Qazaqstan azamaty ótinish bere alady. Konkýrsqa úsh adam qujat tapsyrdy. Onyń ishinde Kósherbaev Manas Maratuly da boldy. Konkýrstyq komısıada eki azamattyń biliktiligi talapqa saı kelmeıtini, eki kandıdattyń da basshylyq qyzmet atqarmaǵany belgili boldy. Al Manas Kósherbaevtyń qujattary barlyq talapqa saı keldi. Sondyqtan ol 6 naýryzda Baıǵanın aýdandyq mádenıet úıiniń basshysy bolyp taǵaıyndaldy", - delingen habarlamada.
Buǵan deıin BAQ-tarda Mańǵystaýdaǵy Ybyqty saı shatqalynda oıyp jazý jazǵan er adamnyń áreketi vıdeoǵa túsip qalǵanyn habarlanǵan. Er adam balǵa, buraǵyshqa uqsas zatpen jartasqa oıyp jazǵan. Áleýmettik jelilerde er adamnyń áreketi kórinetin vıdeo jarıalandy.
Keıinnen ol qyzmetinen bosatylǵan bolatyn.
