ماڭعىستاۋدا شاتقالدى ويىپ، قىزۋ تالقىلانعان شەنەۋنىك باسشىلىق قىزمەتكە تاعايىندالدى

كوركەم الدابەرگەنوۆا 26 ناۋ. 2024 10:11 2392

ماڭعىستاۋداعى ىبىقتى-Cاي شاتقالىن ءبۇلدىرىپ، جازۋ جازعان شەنەۋنىك جاڭا قىزمەتكە تاعايىندالدى. ول ەندى اقتوبە وبلىسىنداعى بايعانين اۋداندىق مادەنيەت ءۇيىن باسقاردى، - دەپ حابارلايدى Dalanews.kz.

"ەۋرازيا" تەلەارناسىنىڭ مالىمەتىنشە، قازاق زاعيپتار قوعامىنىڭ قالالىق مادەنيەت ءۇيىنىڭ ەكس-ديرەكتورى ماناس كوشەربايەۆتىڭ تاعى دا باسشىلىق قىزمەتكە كەلگەن.

"بيىل 15 اقپاندا بايعانين اۋداندىق مادەنيەت ءۇيىنىڭ ديرەكتورىنىڭ بوس لاۋازىمىنا ورنالاسۋعا كونكۋرس جاريالاندى، قۇجاتتارى كونكۋرس تالاپتارىنا سايكەس كەلەتىن كەز كەلگەن قازاقستان ازاماتى ءوتىنىش بەرە الادى. كونكۋرسقا ءۇش ادام قۇجات تاپسىردى. ونىڭ ىشىندە كوشەربايەۆ ماناس مارات ۇلى دا بولدى. كونكۋرستىق كوميسسيادا ەكى ازاماتتىڭ بىلىكتىلىگى تالاپقا ساي كەلمەيتىنى، ەكى كانديداتتىڭ دا باسشىلىق قىزمەت اتقارماعانى بەلگىلى بولدى. ال ماناس كوشەربايەۆتىڭ قۇجاتتارى بارلىق تالاپقا ساي كەلدى. سوندىقتان ول 6 ناۋرىزدا بايعانين اۋداندىق مادەنيەت ءۇيىنىڭ باسشىسى بولىپ تاعايىندالدى"، - دەلىنگەن حابارلامادا.

بۇعان دەيىن باق-تاردا ماڭعىستاۋداعى ىبىقتى ساي شاتقالىندا ويىپ جازۋ جازعان ەر ادامنىڭ ارەكەتى ۆيدەوعا ءتۇسىپ قالعانىن حابارلانعان. ەر ادام بالعا، بۇراعىشقا ۇقساس زاتپەن جارتاسقا ويىپ جازعان. الەۋمەتتىك جەلىلەردە ەر ادامنىڭ ارەكەتى كورىنەتىن ۆيدەو جاريالاندى.

كەيىننەن ول قىزمەتىنەن بوساتىلعان بولاتىن. 


ۇسىنىلعان
سوڭعى جاڭالىقتار