14–15 sáýir kúnderi Mańǵystaý aýdany aýmaǵynda aýa raiynyń kúrt nasharlaýyna bailanysty aýyl sharýashylyǵy janýarlarynyń qyrylý derekteri tirkeldi. Oqiǵa ornynda jumys istegen arnaiy komissiia Saiótes aýyly men 7-razezd aralyǵyndaǵy temirjol ýchaskesinde mal shyǵyny bolǵanyn anyqtaǵan, dep habarlaidy Dalanews.kz.
Ákimdiktiń málimetinshe, aldyn ala baǵalaý boiynsha maldyń qyrylýyna qatty jel men nóser jaýyn sebep bolǵan. Janýarlar baǵytynan adasyp, jetýi qiyn aýmaqtarǵa túsip ketip, batpaqtanǵan jerde qyrylǵan. Keibir tabyndar eldi mekenderden 60–80 shaqyrym qashyqtyqta joǵalyp ketken bolýy múmkin.
Naqty derekter áli naqtylanyp jatyr, óitkeni qalyptasqan jaǵdaiǵa bailanysty mal ieleri túgel esep júrgize almai otyr. Oblys ákimdigi jaǵdai erekshe baqylaýda ekenin málimdedi. Qazir mal ielerimen jumys júrgizilip, zamanaýi baqylaý quraldary men arnaiy tehnika jumyldyrylǵan.
Sondai-aq jedel áreket etý úshin Beineý aýdanynan Aqshymyraý aýylyna «Trekol» jol talǵamaityn kóligi jiberilgeni habarlandy.
