14–15 ءساۋىر كۇندەرى ماڭعىستاۋ اۋدانى اۋماعىندا اۋا رايىنىڭ كۇرت ناشارلاۋىنا بايلانىستى اۋىل شارۋاشىلىعى جانۋارلارىنىڭ قىرىلۋ دەرەكتەرى تىركەلدى. وقيعا ورنىندا جۇمىس ىستەگەن ارنايى كوميسسيا سايوتەس اۋىلى مەن 7-رازەزد ارالىعىنداعى تەمىرجول ۋچاسكەسىندە مال شىعىنى بولعانىن انىقتاعان، دەپ حابارلايدى Dalanews.kz.

اكىمدىكتىڭ مالىمەتىنشە، الدىن الا باعالاۋ بويىنشا مالدىڭ قىرىلۋىنا قاتتى جەل مەن نوسەر جاۋىن سەبەپ بولعان. جانۋارلار باعىتىنان اداسىپ، جەتۋى قيىن اۋماقتارعا ءتۇسىپ كەتىپ، باتپاقتانعان جەردە قىرىلعان. كەيبىر تابىندار ەلدى مەكەندەردەن 60–80 شاقىرىم قاشىقتىقتا جوعالىپ كەتكەن بولۋى مۇمكىن.

ناقتى دەرەكتەر ءالى ناقتىلانىپ جاتىر، ويتكەنى قالىپتاسقان جاعدايعا بايلانىستى مال يەلەرى تۇگەل ەسەپ جۇرگىزە الماي وتىر. وبلىس اكىمدىگى جاعداي ەرەكشە باقىلاۋدا ەكەنىن مالىمدەدى. ءقازىر مال يەلەرىمەن جۇمىس جۇرگىزىلىپ، زاماناۋي باقىلاۋ قۇرالدارى مەن ارنايى تەحنيكا جۇمىلدىرىلعان.

سونداي-اق جەدەل ارەكەت ەتۋ ءۇشىن بەينەۋ اۋدانىنان اقشىمىراۋ اۋىلىنا «ترەكول» جول تالعامايتىن كولىگى جىبەرىلگەنى حابارلاندى.