Onyń aitýynsha aýyl mektebinde bilim alyp jatqan 5-6 synyp oqýshylary úshin ulttyq olimpiadaǵa tirkelý jalǵasýda. Jeńimpazdar daryndy balalarǵa arnalǵan jetekshi mektepterde, «Bilim-Innovatsiia» litseiinde, respýblikalyq fizika-matematika mektebinde oqýǵa múmkindik alady.
«Myń bala» olimpiadasy eki kezeńnen turady. Alǵashqysy logikalyq jáne keńistiktik oilaýdy óz deńgeiinde baǵalaýdy qamtidy. Testileý onlain formatta ótedi.
Eń joǵary upai jinaǵan bes myń oqýshy olimpiadanyń ekinshi kezeńine joldama alady.
Ekinshi kezeńde qatysýshylar matematikalyq saýattylyq, qazaq tilinde bilim alatyn oqýshylar qazaq tili, orys tilinde bilim alatyn oqýshylar orys tili, aǵylshyn tili jáne jaratylystaný pánderi boiynsha akademiialyq bilimdi baǵalaý úshin kompiýterlik testileýden ótedi.
– Ekinshi kezeń óńirlik testileý ortalyqtarynyń bazasynda uiymdastyrylady. Qatysýǵa nietti oqýshylar 1000bala.elbasyacademy.kz saity arqyly olimpiadaǵa tirkelýge bolady, – dedi Nesibeli Qýatova.
