Aldymen, oblystyq máslihattyń hatshysy Nýri Tumyshev oblystyq máslihattyń atqarǵan jumysy týraly esep berdi.
Mańǵystaý oblystyq máslihattyń turaqty komissiia tóraǵasy Marat Sebasov qoǵamdaǵy áleýmettik máseleler men quqyqtyq tártipti qozǵap, sóz sóiledi. Komissiia tóraǵasyn tyńdaǵan máslihat depýtattary sailaýshylarynan kelip túsetin suraqtardy baqylaýǵa alýdy, sessiialar men turaqty komissiia otyrystarynda qaralatyn máselelerdi daiyndaýǵa belsendi qatysýdy usyndy.
Sonymen qatar, oblys ákiminiń orynbasary Álmuhammed Quttymuratuly oblystyq biýdjetke engizilgen ózgerister týraly baiandama jasady.
Onyń aitýynsha biýdjetti naqtylaý 2021 jyly qalyptasqan kreditorlyq bereshekti óteýge, «AMANAT» partiiasynyń sailaýaldy baǵdarlamasynyń jol kartasy men oblystyń áleýmettik-ekonomikalyq damýynyń keshendi josparynda kózdelgen is-sharalardy, sondai-aq jergilikti biýdjettiń jedel is-sharalaryn iske asyrýǵa baǵyttalǵan.
– 2021 jyly jergilikti biýdjet kirisiniń jetispeýshiliginen shyǵyndardy óteý máselesi týyndady. Osylaisha, 2021 jyldyń qorytyndysy boiynsha kreditorlyq bereshek paida boldy. Kreditorlyq bereshektiń jalpy kólemi 6,1 mlrd teńgeni qurady, – dedi Álmuhammed Quttymuratuly.
Biýdjetti naqtylaýdyń ekinshi baǵyty partiianyń sailaýaldy baǵdarlamasynyń jol kartasy jáne oblystyń keshendi jospary sheńberinde iske asatyn sharalarǵa arnalǵan. Atalǵan jumystardy qarjylandyrý úshin 1,1 mlrd teńge bólý usynylady. Qarajat Prezidenttiń tapsyrmasyna sáikes 12 aýyldyq eldi mekendi aýyz sýmen qamtamasyz etýge jumsalatyn bolady. 7 aýylda sý tushytý qondyrǵylaryn ornatýǵa jáne sorǵylar satyp alýǵa 225 mln teńge qajet. Bul jobalar Aqshuqyr, Aqmaia, Bozdaq, 15 stantsiia, Qiiaqty, Tigen jáne Tasmuryn aýyldarynda iske asyrylatyn bolady.
Kelesi mańyzdy baǵyt – qudyqtardy qalpyna keltirý jáne qaita qurý. Osy maqsatta Jyńǵyldy, Shaiyr, Kógez-Aqmysh, Shebir jáne Ondy aýyldaryndaǵy qudyqtardy qaita jańartýǵa 39 mln teńge bólindi.
Úshinshi baǵyt boiynsha Jańaózen qalasyn damytýǵa, kommýnaldyq turǵyn úi shyǵyndary men qoǵamdyq qaýipsizdikke qarajat bólý josparlanýda.
Jiyn sońynda Nurlan Noǵaev jinalǵandardy jańa Qazaqstandy qurýda aýyzbirshilik pen uiymshyldyqqa shaqyrdy.
– Prezident azamattyq qoǵamdy damytý jáne memlekettik organdar qyzmetiniń ashyqtyǵyn qamtamasyz etý boiynsha tapsyrma júktedi. Bizdiń basty kúshimiz ádilettilik pen ashyqtyqta. Osy eki faktor bolǵan jaǵdaida ǵana biz qolda bar resýrstardy durys paidalanyp, josparlarymyzdy tiimdi iske asyra alamyz, – dep Nurlan Noǵaev óz sózin qorytyndylady.
