2026 jyldyń basynan beri úılerin sý basqan Munaıly aýdanynyń turǵyndary ákimdikke júzge jýyq ótinish túsirgen, dep habarlaıdy Dalanews.kz.

Lada.kz taratqan aqparatqa súıensek, sý turǵyn úılerdiń aýlasy men úı mańynda jınalǵan. Aýdan ákimdiginiń málimetinshe, qazirgi tańda turǵyn úılerge eleýli materıaldyq zalal keltirilgeni tirkelmegen.

25 qańtardaǵy jaǵdaı boıynsha, Qyzǵaldaq kóshesinde ornalasqan 6 turǵyn úıdi sý basqany, sondaı-aq aýyldyq okrýgtegi 75 úıdiń aýla aýmaǵynda sý jınalǵany anyqtalǵan.

Munaıly aýdanynyń ákimdigi oqıǵa oryndarynda sý aıdaý jumystary júrgizilip jatqanyn málimdedi. Qazirgi ýaqytta nasostar men drenaj júıeleri arqyly sýdy shyǵarý jumystary atqarylyp, sý tasqyny saldaryn joıý sharalary jalǵasyp jatyr.