QMA Mańǵystaý oblysy boiynsha departamenti «LiveGood» qarjy piramidasynyń qurylymdyq bólimshesin basqarý, zańsyz kásipkerlikpen ainalysý jáne qylmystyq jolmen alynǵan aqshalai qarajatty zańdastyrý faktileri boiynsha tergeýdi aiaqtady, dep habarlaidy Dalanews.kz.
«LiveGood» kompaniiasy dárilik zattar men biologiialyq belsendi qospalardy (BBQ) satý túrindegi jelilik marketing retinde kórinip, shyn máninde salymshylardy tartý arqyly kepildendirilgen tabys ýáde etip otyrǵan.
Ónimdi satyp alý mindetti bolmaǵan. Qatysýshylardyń tabysy tikelei túrde jazylý quny 50 AQSh dollarynan bastalatyn jańa adamdardy tartý sanyna bailanysty bolǵan.
Nátijesinde 80-nen astam azamat qarjy piramidasynyń qurbanyna ainaldy.
Salymshylardyń qarajatyn zańdastyrý maqsatynda kúdikti olardy kriptovaliýta birjasy arqyly zańsyz operatsiialarmen shyǵaryp, keiin týystarynyń shottaryna aýdarǵan.
Qylmystyq jolmen alynǵan qarajatqa ol Aqtaý qalasynan eki páter men Lexus avtokóligin satyp alǵan. Jyljymaityn múliktiń jalpy quny – 43 mln teńge.
Sottyń sanktsiiasymen 132 mln teńge kólemindegi onyń esepshottary men múlkine tyiym salyndy.
Kúdiktige qatysty bultartpaý sharasy retinde úiqamaqqa alyndy. Is sotqa joldandy.
QR QPK 201-babyna sáikes, ózge aqparat jariia etilmeidi.
