Pýtınniń sózinshe, İ Petr basyp alǵan jerlerde o bastan slaván halqy turǵan. Bul jerler árqashan orys memleketiniń baqylaýynda bolǵan. Prezıdent sonymen birge Sankt-Peterbýrg qalasy jaıly da aıtyp, bul jerdi Eýropa elderi Reseı aýmaǵy dep tanymaǵanyn aıtty.
Ýkraınanyń Herson jáne Zaporojskıı oblystaryna basshylyqqa Reseı óz adamdaryn taǵaıyndaǵannan keıin, bul aımaqtarda Reseı quramyna kirý jóninde referendým bolatyny aıtyldy.
Qazir Reseı Herson men Zaporojsk oblysynyń basym bóligin baqylaýyna alǵan. Al Zaporoje qalasy Ýkraınanyń baqylaýynda.
Bul kúnderi Reseı İ Petrdiń týǵanyna 350 jyldyǵyn atap ótip jatyr. Tarıhshylar ony orys memleketin nyǵaıtqan eń qatal patsha retinde baǵalaıdy. Ol 1721 jyly Shvesıaǵa tıesili Baltyq jaǵalaýyn Reseıge qosyp alǵan. Bul qazirgi Estonıa jáne Latvıa aýmaǵynyń jerleri.
