ءپۋتيننىڭ سوزىنشە، ءى پەتر باسىپ العان جەرلەردە و باستان سلاۆيان حالقى تۇرعان. بۇل جەرلەر ءارقاشان ورىس مەملەكەتىنىڭ باقىلاۋىندا بولعان. پرەزيدەنت سونىمەن بىرگە سانكت-پەتەربۋرگ قالاسى جايلى دا ايتىپ، بۇل جەردى ەۋروپا ەلدەرى رەسەي اۋماعى دەپ تانىماعانىن ايتتى.
ۋكراينانىڭ حەرسون جانە زاپوروجسكيي وبلىستارىنا باسشىلىققا رەسەي ءوز ادامدارىن تاعايىنداعاننان كەيىن، بۇل ايماقتاردا رەسەي قۇرامىنا كىرۋ جونىندە رەفەرەندۋم بولاتىنى ايتىلدى.
ءقازىر رەسەي حەرسون مەن زاپوروجسك وبلىسىنىڭ باسىم بولىگىن باقىلاۋىنا العان. ال زاپوروجە قالاسى ۋكراينانىڭ باقىلاۋىندا.
بۇل كۇندەرى رەسەي ءى پەتردىڭ تۋعانىنا 350 جىلدىعىن اتاپ ءوتىپ جاتىر. تاريحشىلار ونى ورىس مەملەكەتىن نىعايتقان ەڭ قاتال پاتشا رەتىندە باعالايدى. ول 1721 جىلى شۆەسياعا تيەسىلى بالتىق جاعالاۋىن رەسەيگە قوسىپ العان. بۇل قازىرگى ەستونيا جانە لاتۆيا اۋماعىنىڭ جەرلەرى.
