Dalanews.kz Úkimet basshysyna saýal joldaǵan depýtattyń datyn qaz-qalpynda usynady.
...
Keshe Úkimettiń keńeıtilgen otyrysynda Memleket basshysy Qasym-Jomart Toqaev elimizdegi kedeıshilik máselesine basa nazar aýdardy.
Prezıdent Úkimet múshelerine azamattardyń kópshiliginiń áleýmettik jaǵdaıyn arttyrý baǵytynda jedel qadam jasaýǵa mindettedi!
Elimizdiń tarıhynda, halqymyzdyń áleýmettik jupyny jaǵdaıy, Memleket basshysy deńgeıinde birinshi ret kóterilip otyr!
Iaǵnı, Memleket basshysy qoǵamdy, azamattardy, halyqty tolǵandyratyn másele boıynsha ashyq, shynaıy áńgimege shaqyryp otyr degen sóz!
Rasynda, halqymyzdyń basym kópshiliginiń áleýmettik jaǵdaıynyń tómendigi elimizdiń turaqty damýyna negizgi tejegish bolyp tabylady!
Qasym-Jomart Kemeluly 11-qańtarda Parlamentte sóılegen sózinde de Úkimetke halqymyzdyń áleýmettik jaǵdaıyn jaqsartý, azamattardyń ál-aýqatyn jetildirý jóninde naqty tapsyrmalar bergen!
Bir aı ótti, Úkimet óz deńgeıinde eńbektenip jatqan bolar, biraq ol jóninde halqymyz habarsyz.
Úkimettiń is-áreketteri adamdarǵa túsinikti, ashyq bolýy, qadamdary azamattarmen, sarapshylarmen aqyldasa otyryp qabyldanýy shart.
Aldyńǵy Úkimettiń basty problemasy ózderiniń is-qadamdarynyń logıkasyn, baǵyt-baǵdaryn elge, qoǵamǵa túsindire almady, jabyq stılde jumys istedi.
Arty nege soqtyrǵanyn jaqsy bilemiz.
Tarıhtan sabaq alatyn ýaqyt jetti.
Osy oraıda, Álıhan Ashanuly ózińizdiń, Úkimet músheleriniń Májiliske, qoǵam ókilderiniń qatysýymen, Prezıdent bergen kelesi tapsyrmalar:
- Kedeıshilikpen kúres, jumyssyzdyq máselesi;
- kishi jáne orta bıznesti damytý;
- syrtqa zańsyz ketken kapıtaldy qaıtarý problematıkasy;
- «Samrýk Qazynany» reformalaý, ROP-ty ońtaılandyrý máseleleri boıynsha esep bergenderińiz abzal.
Halqymyz naqty qadam, utymdy sheshimder kútip otyr!
Qoǵam Prezıdent Toqaevtyń tapsyrmalarynyń qalaı oryndalyp jatqandyǵy, Úkimettiń qandaı jospary bar, tapsyrmany oryndaýda qandaı qıyndyqtar bar ekendigi jóninde ashyq, búkpesiz habardar bolýy qajet.
Depýtattarmen birigip oblys, aýdandarǵa shyǵyńyzdar!
Halyqpen birge aqyldasaıyq, sheshimderdi azamattarmen birge qabyldaıyq!
«Jańa Qazaqstan» fılosofıasy ashyq dıalogty, shynaıy dıskýssıany talap etedi!
Halyqtyń máselesi tynysh kabınet sheńberinde emes, qoǵammen birlesip talqylanyp, sheshilýi tıis.
Atalǵan máseleni qarastyryp, zańda kórsetilgen merzimde jaýap berýińizdi ótinemiz.
Qurmetpen, Májilis depýtattary, Nur Otan Fraksıasy músheleri.
VREZKA:
Bir aı ótti, Úkimet óz deńgeıinde eńbektenip jatqan bolar, biraq ol jóninde halqymyz habarsyz.
Úkimettiń is-áreketteri adamdarǵa túsinikti, ashyq bolýy, qadamdary azamattarmen, sarpshylarmen aqyldasa otyryp qabyldanýy shart.
Aldyńǵy Úkimettiń basty problemasy ózderiniń is-qadamdarynyń logıkasyn, baǵyt-baǵdaryn elge, qoǵamǵa túsindire almady, jabyq stılde jumys istedi.
