QR Premer-Ministri Asqar Mamin Almaty oblysyna jumys sapary aiasynda Memleket basshysynyń kóktemgi sý tasqyny kezeńine daiyndyqty qamtamasyz etý jónindegi tapsyrmalarynyń oryndalý barysymen tanysty.
A. Mamin kórý alańyna bardy, onda Qorǵas ózeninde selden jáne sý tasqyny qaýpinen qorǵaný jobalarynyń iske asyrylý barysyn tekserdi.
Premer-Ministrge bógetterdiń qurylys jumystarynyń bastalýy týraly baiandalyp, arna qalyptastyratyn jáne sel tasqynynan qorǵaný qurylystaryn salý jobasy tanystyryldy.
«Qazseldenqorǵaý» MM basshysy T. Baimoldaev kópir qurylymyn qorǵaý maqsatynda erigen qar sýlaryn ótkizý úshin ózen arnasy boiymen jaǵany bekitý jumystary aiaqtalǵanyn, patrýldyq-traktor jolymen Shúkirbulaq bógetinen Qazankól kóline deiin jalpy uzyndyǵy 17 shaqyrym bolatyn qurylys júrgizilip jatqanyn baiandady. Tótenshe jaǵdailardy eskertý jáne aldyn alý sharalaryna erekshe kóńil bólindi.
Premer-Ministr Qazaqstan–Qytai shekarasynda elder arasynda taýar ainalymyn ulǵaitýǵa, QR tranzittik áleýetin arttyrýǵa baǵyttalǵan Ortalyq Aziiadaǵy asa iri «Nur joly» ótkizý pýnktine jáne «Qorǵas — Shyǵys qaqpasy» AEA qurǵaq portyna bardy.
«Nur joly» ótkizý pýnktin aralaý kezinde Premer-Ministrge 2018 jyldyń qyrkúiek aiynan bastap innovatsiialyq tehnologiialardyń arqasynda, shekara arqyly kún saiyn 2 500-ge jýyq kólik quraly, onyń ishinde 2 200 júk jáne 300 jolaýshylar kóligi ótkiziletini týraly baiandaldy.
Sonymen qosa, onyń ótkizý múmkindigin táýligine 5 000-ǵa deiin jetkizý qarastyrylǵan. Bul oraida, kólik aǵyndaryn bólý protsesin avtomattandyrý júk kóliginiń ótý ýaqytyn 40 minýtqa deiin qysqartýǵa (tirkeýden bastap ótkizý pýnktinen shyǵarǵanǵa deiin) múmkindik berdi.
Shekaradan kidirissiz ótýdiń bul júiesi TMD aýmaǵynda alǵash ret engizilgen. Jobany iske asyrý 2020 jylǵa qarai orta eseppen 20,3 mlrd teńge kóleminde qarajattyń qosymsha túsýin qamtamasyz etedi.
«Qorǵas — Shyǵys qaqpasy» arnaiy ekonomikalyq aimaǵyn kórý barysynda A. Maminge indýstriialyq parkterdi iske asyrý josparlary tanystyryldy.
Premer-Ministr áleýetti investorlarmen jumysty jandandyrý men aimaq aýmaqtaryn ýaqytyly toltyrýdyń qajettigin atap ótti. Munda qoima terminaldary, biyl sáýir aiynda paidalanýǵa beriletin eki qurǵaq qoima tekserildi, sondai-aq qosymsha mýltitemperatýralyq qoimanyń ashylýyna qatysty josparlar tanystyryldy. Qoimalar jumystaryn avtomattandyrý máseleleri qaraldy.
Osy jerde A. Maminge jumys istep turǵan ónerkásiptik kásiporyndardyń jumysynyń negizgi kórsetkishteri jáne jańa nysandardyń jobalary tanystyryldy.
Qýattylyǵy jylyna 60 000 tonnany quraityn «Feniks Fid Mills» qospa jem shyǵaratyn zaýyt biyl sáýir aiynda paidalanýǵa engiziledi. 87 jumys orny qurylǵan. Sondai-aq, ótken jyly qarashada iske qosylǵan «Zaria Ltd» astyq terminaly aralandy. Elevator kesheni 15 myń tonna júgeri dánin bir mezettik saqtaýǵa (odan ári ekinshi jelini 30 myń tonnaǵa keńeitýmen), ony sáikes suryptalǵanǵa deiin jetkizýge arnalǵan. Ónim Ózbekstanǵa eksporttalady, sonymen qatar QHR naryǵyna shyǵý jumystary júrgizilip jatyr.
Jumys sapary aiasynda Asqar Mamin «Qorǵas» Halyqaralyq shekara mańy yntymaqtastyǵy ortalyǵyna bardy.
Premer-Ministrge HShYO aýmaǵyndaǵy kelýshilerdi, taýarlar men kólik quraldarynyń qozǵalysyn esepke alý men baqylaýdyń avtomattandyrylǵan júiesi tanystyryldy. Bul joba kedendik ákimshilendirý tiimdiligin arttyrýǵa jol ashady. Munda kúnine 100 tonnaǵa deiingi kólemdegi júkti óńdei alatyn júk terminalynyń jumysy qaraldy.
Eske sala keteiik, Ortalyq aýmaǵynda adamdar, taýarlar men kólikter esh viza rásimdeýsiz, emin-erkin qozǵalys jasai alady.
Budan ózge, A. Mamin «Qorǵas» HShYO aýmaǵynda ornalasqan qazaqstandyq saýda nysandaryn aralady.
Olarǵa qatysty qoldanystaǵy salyq jeńildikteri QHR-men taýar ainalymynda eksport úlesin arttyrýǵa jáne ShOB damytýǵa baǵyttalǵan.
Aita keteiik, jumys sapary barysynda Premer-Ministrge Nurkent jańa qalasyn turǵyzýdyń aldaǵy jumystary men qazirgi jaǵdaiy týraly baiandaldy. Eldi mekende tirshilikti qamtamasyz etý, sonyń ishinde turǵyn úi máselelerin sheshý barysy týraly aqparat berildi.
