ق ر پرەمەر-مينيسترى اسقار مامين الماتى وبلىسىنا جۇمىس ساپارى اياسىندا مەملەكەت باسشىسىنىڭ كوكتەمگى سۋ تاسقىنى كەزەڭىنە دايىندىقتى قامتاماسىز ەتۋ جونىندەگى تاپسىرمالارىنىڭ ورىندالۋ بارىسىمەن تانىستى.
ا. مامين كورۋ الاڭىنا باردى، وندا قورعاس وزەنىندە سەلدەن جانە سۋ تاسقىنى قاۋپىنەن قورعانۋ جوبالارىنىڭ ىسكە اسىرىلۋ بارىسىن تەكسەردى.
پرەمەر-مينيسترگە بوگەتتەردىڭ قۇرىلىس جۇمىستارىنىڭ باستالۋى تۋرالى باياندالىپ، ارنا قالىپتاستىراتىن جانە سەل تاسقىنىنان قورعانۋ قۇرىلىستارىن سالۋ جوباسى تانىستىرىلدى.
«قازسەلدەنقورعاۋ» مم باسشىسى ت. بايمولدايەۆ كوپىر قۇرىلىمىن قورعاۋ ماقساتىندا ەرىگەن قار سۋلارىن وتكىزۋ ءۇشىن وزەن ارناسى بويىمەن جاعانى بەكىتۋ جۇمىستارى اياقتالعانىن، پاترۋلدىق-تراكتور جولىمەن شۇكىربۇلاق بوگەتىنەن قازانكول كولىنە دەيىن جالپى ۇزىندىعى 17 شاقىرىم بولاتىن قۇرىلىس جۇرگىزىلىپ جاتقانىن باياندادى. توتەنشە جاعدايلاردى ەسكەرتۋ جانە الدىن الۋ شارالارىنا ەرەكشە كوڭىل ءبولىندى.
پرەمەر-مينيستر قازاقستان–جۇڭگو شەكاراسىندا ەلدەر اراسىندا تاۋار اينالىمىن ۇلعايتۋعا، ق ر ترانزيتتىك الەۋەتىن ارتتىرۋعا باعىتتالعان ورتالىق ازياداعى اسا ءىرى «نۇر جولى» وتكىزۋ پۋنكتىنە جانە «قورعاس — شىعىس قاقپاسى» اەا قۇرعاق پورتىنا باردى.
«نۇر جولى» وتكىزۋ پۋنكتىن ارالاۋ كەزىندە پرەمەر-مينيسترگە 2018 جىلدىڭ قىركۇيەك ايىنان باستاپ يننوۆاسيالىق تەحنولوگيالاردىڭ ارقاسىندا، شەكارا ارقىلى كۇن سايىن 2 500-گە جۋىق كولىك قۇرالى، ونىڭ ىشىندە 2 200 جۇك جانە 300 جولاۋشىلار كولىگى وتكىزىلەتىنى تۋرالى باياندالدى.
سونىمەن قوسا، ونىڭ وتكىزۋ مۇمكىندىگىن تاۋلىگىنە 5 000-عا دەيىن جەتكىزۋ قاراستىرىلعان. بۇل ورايدا، كولىك اعىندارىن ءبولۋ پروسەسىن اۆتوماتتاندىرۋ جۇك كولىگىنىڭ ءوتۋ ۋاقىتىن 40 مينۋتقا دەيىن قىسقارتۋعا (تىركەۋدەن باستاپ وتكىزۋ پۋنكتىنەن شىعارعانعا دەيىن) مۇمكىندىك بەردى.
شەكارادان كىدىرىسسىز ءوتۋدىڭ بۇل جۇيەسى تمد اۋماعىندا العاش رەت ەنگىزىلگەن. جوبانى ىسكە اسىرۋ 2020 جىلعا قاراي ورتا ەسەپپەن 20،3 ملرد تەڭگە كولەمىندە قاراجاتتىڭ قوسىمشا ءتۇسۋىن قامتاماسىز ەتەدى.
«قورعاس — شىعىس قاقپاسى» ارنايى ەكونوميكالىق ايماعىن كورۋ بارىسىندا ا. مامينگە يندۋستريالىق پاركتەردى ىسكە اسىرۋ جوسپارلارى تانىستىرىلدى.
پرەمەر-مينيستر الەۋەتتى ينۆەستورلارمەن جۇمىستى جانداندىرۋ مەن ايماق اۋماقتارىن ۋاقىتىلى تولتىرۋدىڭ قاجەتتىگىن اتاپ ءوتتى. مۇندا قويما تەرمينالدارى، بيىل ءساۋىر ايىندا پايدالانۋعا بەرىلەتىن ەكى قۇرعاق قويما تەكسەرىلدى، سونداي-اق قوسىمشا مۋلتيتەمپەراتۋرالىق قويمانىڭ اشىلۋىنا قاتىستى جوسپارلار تانىستىرىلدى. قويمالار جۇمىستارىن اۆتوماتتاندىرۋ ماسەلەلەرى قارالدى.
وسى جەردە ا. مامينگە جۇمىس ىستەپ تۇرعان ونەركاسىپتىك كاسىپورىنداردىڭ جۇمىسىنىڭ نەگىزگى كورسەتكىشتەرى جانە جاڭا نىسانداردىڭ جوبالارى تانىستىرىلدى.
قۋاتتىلىعى جىلىنا 60 000 توننانى قۇرايتىن «فەنيكس فيد ميللس» قوسپا جەم شىعاراتىن زاۋىت بيىل ءساۋىر ايىندا پايدالانۋعا ەنگىزىلەدى. 87 جۇمىس ورنى قۇرىلعان. سونداي-اق، وتكەن جىلى قاراشادا ىسكە قوسىلعان «زاريا Ltd» استىق تەرمينالى ارالاندى. ەليەۆاتور كەشەنى 15 مىڭ توننا جۇگەرى ءدانىن ءبىر مەزەتتىك ساقتاۋعا (ودان ءارى ەكىنشى جەلىنى 30 مىڭ تونناعا كەڭەيتۋمەن)، ونى سايكەس سۇرىپتالعانعا دەيىن جەتكىزۋگە ارنالعان. ءونىم وزبەكستانعا ەكسپورتتالادى، سونىمەن قاتار قحر نارىعىنا شىعۋ جۇمىستارى جۇرگىزىلىپ جاتىر.
جۇمىس ساپارى اياسىندا اسقار مامين «قورعاس» حالىقارالىق شەكارا ماڭى ىنتىماقتاستىعى ورتالىعىنا باردى.
پرەمەر-مينيسترگە حشىو اۋماعىنداعى كەلۋشىلەردى، تاۋارلار مەن كولىك قۇرالدارىنىڭ قوزعالىسىن ەسەپكە الۋ مەن باقىلاۋدىڭ اۆتوماتتاندىرىلعان جۇيەسى تانىستىرىلدى. بۇل جوبا كەدەندىك اكىمشىلەندىرۋ تيىمدىلىگىن ارتتىرۋعا جول اشادى. مۇندا كۇنىنە 100 تونناعا دەيىنگى كولەمدەگى جۇكتى وڭدەي الاتىن جۇك تەرمينالىنىڭ جۇمىسى قارالدى.
ەسكە سالا كەتەيىك، ورتالىق اۋماعىندا ادامدار، تاۋارلار مەن كولىكتەر ەش ۆيزا راسىمدەۋسىز، ەمىن-ەركىن قوزعالىس جاساي الادى.
بۇدان وزگە، ا. مامين «قورعاس» حشىو اۋماعىندا ورنالاسقان قازاقستاندىق ساۋدا نىساندارىن ارالادى.
ولارعا قاتىستى قولدانىستاعى سالىق جەڭىلدىكتەرى قحر-مەن تاۋار اينالىمىندا ەكسپورت ۇلەسىن ارتتىرۋعا جانە شوب دامىتۋعا باعىتتالعان.
ايتا كەتەيىك، جۇمىس ساپارى بارىسىندا پرەمەر-مينيسترگە نۇركەنت جاڭا قالاسىن تۇرعىزۋدىڭ الداعى جۇمىستارى مەن قازىرگى جاعدايى تۋرالى باياندالدى. ەلدى مەكەندە تىرشىلىكتى قامتاماسىز ەتۋ، سونىڭ ىشىندە تۇرعىن ءۇي ماسەلەلەرىن شەشۋ بارىسى تۋرالى اقپارات بەرىلدى.
