13 naýryzda búkil otbasyǵa arnalǵan, kópshilik kópten kútken komediia – «Malai» filminiń premerasy ótedi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Bul kartina «Holop» kassalyq franshizasynyń resmi adaptatsiiasy. Buǵan deiin bul film Túrkiia, Mońǵoliia jáne Frantsiiada shyqqan bolatyn. Otandyq nusqa qazaq tilinde túsirilip, jergilikti mentalitet pen ázil erekshelikteri eskerildi.
Basty keiipker – baidyń murageri China (Jeńis Omarov). Jas jigit bailyqqa belshesinen batyp, ishkeni aldynda, ishpegeni artynda, ózine bári ruqsat dep oilaidy. Alaida, onyń ákesi-oligarh (Jandarbek Sadyrbaev) ulyn sabasyna túsirýdi oilap, erekshe qadamǵa barady. Elden erekshe psihologpen (Dýlyǵa Aqmolda) birigip, olar XIX ǵasyrdaǵy qazaq aýylynyń ómirin qaita jańǵyrtady jáne Chinany sol ortaǵa jiberedi. Filmde “baidyń balasy adam bola ma?” – suraǵyna jaýap izdeledi.
“Álemdik kinoda sátti týyndylardy negizge alyp, olardyń adaptatsiiasyn usyný – keń taralǵan ári tanymal ádis. Biz de osy baǵytty qoldanyp, ózimizge úlken talap qoidyq. Qazaqstan qoǵamynda majorlardyń taqyryby óte ózekti, sol sebepti “Holop” franshizasy bizge sáikes keldi. Bizge qazaq mentalitetin, qundylyqtary men ázilin eskere otyryp, beiimdeý óte mańyzdy boldy. Sonymen qatar, “Malai” – tolyqtai qazaq tilinde túsirilgen film”, – dep atap ótti Unico kompaniiasynyń bas prodiýseri Anara Jýnýsova.
Jeńis Omarov (Zheka Fatbelly) úshin de bul joba úlken synaq boldy, sebebi bul onyń oinaǵan birinshi basty róli. Rejisser men túsirilim alańyndaǵy áriptesteriniń aitýynsha, bloger óz rólin tamasha oryndap, kadrda óte sátti oinady, biraq bul ról oǵan ońaiǵa tigen joq.
“Meniń keiipkerim neshe túrli qiyndyqty bastan ótkerdi. Fizikalyq jaǵynan óte aýyr boldy, biraq qyzyqty sátter de az emes edi. Ásirese, atpen júrý jáne shabý kezderi qiynǵa soqty. Qazir sol túsirilim kúnderin saǵynyshpen eske alamyn, demek, bári jaqsy ótti”, – dedi Jeńis Omarov (China).
Avtorlardyń aitýynsha, “Malai” – otbasymen birge kórýge arnalǵan qyzyq ári kóńildi film.
“Qazaqstanda balalar men eresekterge birdei qyzyqty bolatyn filmder kóp emes. Sondyqtan “Malai” jobasynda jumys isteý maǵan qyzyq boldy. Chinanyń oqiǵasy men onyń ótken ǵasyr aýylyndaǵy qyzyqtary kishkentai kórermenderdi kúldirse, úlkender úshin majordy tárbieleý taqyryby oi salýy múmkin”, – dedi film rejisseri Ernar Nurǵaliev.
Filmge Dýlyǵa Aqmolda, Laýra Myrzahmet, Jandarbek Sadyrbaev, Ermek Shynbolatov, Aida Qurmanǵalieva (Mona), Sabina Movlaeva, Hamit Erdehan syndy tanymal tulǵalar qatysqan. Aita ketsek, olardyń kópshiligi kórermenge buryn-sońdy bolmaǵan erekshe beinede usynylady.
Kórermenderdiń pikirine qulaq túrsek, bul film naýryzdyń basty komediiasyna ainalmaq. Tusaýkeser kúni 13 naýryzǵa belgilenip otyr. Barlyq jańalyqtardy @malay_film paraqshasynan bile alasyzdar.
