Májilistiń depýtattyq ádep jónindegi keńesi tártiptik jazaǵa tartqan depýtattardyń aty-jóni jariialanbaǵan. Bul týraly keńes tóraǵasy Baqtyqoja Izmuhambetov málimdedi, - dep habarlaidy Dalanews.kz "Aq Jaiyqqa" siltep.
Onyń aitýynsha, bul keńes Májilistiń árbir turaqty komitetine múshe jeti depýtattan turady. Olar depýtattyq ádepke qatysty túsken ótinishterdiń barlyǵyn jan-jaqty qarastyrady.
Keńes jumysy barysynda 15 otyrys ótip, 17 depýtatqa etikalyq normalardy saqtaý jóninde usynystar berilgen. Degenmen tóraǵa qandai depýtattarǵa jáne ne úshin shara qoldanylǵany qupiia aqparat sanatyna kiretinin málimdedi.
Aita keteiik, keshe Májilis otyrysynda depýtat Ardaq Nazarov anasyna 70 jyldyq mereitoiyna orai quttyqtaý aityp, bul áreketi qoǵamda qyzý pikirtalas týdyrǵan bolatyn.
