ءماجىلىستىڭ دەپۋتاتتىق ادەپ جونىندەگى كەڭەسى تارتىپتىك جازاعا تارتقان دەپۋتاتتاردىڭ ءاتى-جونى جاريالانباعان. بۇل تۋرالى كەڭەس ءتوراعاسى باقتىقوجا ىزمۇحامبەتوۆ مالىمدەدى، - دەپ حابارلايدى Dalanews.kz "اق جايىققا" سىلتەپ.
ونىڭ ايتۋىنشا، بۇل كەڭەس ءماجىلىستىڭ ءاربىر تۇراقتى كوميتەتىنە مۇشە جەتى دەپۋتاتتان تۇرادى. ولار دەپۋتاتتىق ادەپكە قاتىستى تۇسكەن وتىنىشتەردىڭ بارلىعىن جان-جاقتى قاراستىرادى.
كەڭەس جۇمىسى بارىسىندا 15 وتىرىس ءوتىپ، 17 دەپۋتاتقا ەتيكالىق نورمالاردى ساقتاۋ جونىندە ۇسىنىستار بەرىلگەن. دەگەنمەن ءتوراعا قانداي دەپۋتاتتارعا جانە نە ءۇشىن شارا قولدانىلعانى قۇپيا اقپارات ساناتىنا كىرەتىنىن مالىمدەدى.
ايتا كەتەيىك، كەشە ءماجىلىس وتىرىسىندا دەپۋتات ارداق نازاروۆ اناسىنا 70 جىلدىق مەرەيتويىنا وراي قۇتتىقتاۋ ايتىپ، بۇل ارەكەتى قوعامدا قىزۋ پىكىرتالاس تۋدىرعان بولاتىن.
