«Reseilik arnalarǵa shekteý qoiý kerek. Osy kúni kórshi eldiń propagandasyna toiyp alǵan biraz otandasymyz bar. Sondyqtan Qyzyljar sekildi óńirlerde ara-tura ultarazdyq másele týyndap turady. Meniń úiimde de ruqsatsyz reseilik arnalar qosylǵan. Ony kórgen balalarym ýlanýy múmkin. Sol sebepti bizdiń keńistikke kirgeni úshin olar aqsha tóleýi tiis. Sony saralap shekteý qoiý qajet», – deidi Maqsat Tolyqbai.
Sondai-aq, ol 100 myń turǵyny bar qalalarmen ǵana telereiting jasaýǵa bolmaitynyn jetkizdi.
«Muqym el tek Andrei Malahovtyń «Pýst govoriat»tok-shoýyn ǵana kóredi degenge senbeimin. Aýyl turǵyndarynyń kózqarasy eskerilý kerek. Aýyldaǵy milliondaǵan qazaqtyń esebi qaida? Telereitingti zertteýge respondent retinde birde-bir aýyl turǵyny qatyspaidy. Qazaqsha baǵdarlamalardyń ǵumyry qysqa bolatyny da osydan.
«Dombyra» degen telearna bar. Baiǵus iesi tórt kamerasyn arqalap, óńirlerdi aralap, dástúrdi ónerdi nasihattaidy. Sosyn You Tube-ten kórsetedi. Alma TV-ǵa nege qosylmaisyń desem, aiyna 600 myń teńge tóleýi kerek. Bir jylǵa 7 million teńge kerek.
Ministrlik muny bermeidi eken. Eki jyl 14 million teńge tólese, ári qarai tegin qosady eken. Nege biz osyndai ulttyq arnalardy qoldamaimyz? Al «Qalaýlym» siiaqty baǵdarlamalardyń tikelei efirdegi úsh saǵatyna 2 million teńge jumsalady eken», – dedi depýtat.
Bul máselege qatysty Mádeniet jáne aqparat vitse-ministri Qanat Ysqaqov: «Biz reseilik telearna kórmek túgil, olarǵa aqsha tóleimiz» dei kele, «Eń aldymen tólem máselesin sheshý kerek. Mysaly, kabeldik operatorǵa aiyna 5 myń teńge tóleisiz. Olar sonyń 3 myńyn Reseige berýi tiis. Aldaǵy ýaqytta sheteldik arnalarǵa aqsha tóleýdi toqtatamyz. Al otandyq arnalar kersinshe Alma TV siiaqty kabeldik operatorlarǵa ózderi tóleidi. Osyny jyl sońyna deiin sheshýimiz kerek», – dep jaýap berdi Qanat Ysqaqov.
