«رەسەيلٸك ارنالارعا شەكتەۋ قويۋ كەرەك. وسى كٷنٸ كٶرشٸ ەلدٸڭ پروپاگانداسىنا تويىپ العان بٸراز وتانداسىمىز بار. سوندىقتان قىزىلجار سەكٸلدٸ ٶڭٸرلەردە ارا-تۇرا ۇلتارازدىق مەسەلە تۋىنداپ تۇرادى. مەنٸڭ ٷيٸمدە دە رۇقساتسىز رەسەيلٸك ارنالار قوسىلعان. ونى كٶرگەن بالالارىم ۋلانۋى مٷمكٸن. سول سەبەپتٸ بٸزدٸڭ كەڭٸستٸككە كٸرگەنٸ ٷشٸن ولار اقشا تٶلەۋٸ تيٸس. سونى سارالاپ شەكتەۋ قويۋ قاجەت», – دەيدٸ ماقسات تولىقباي.
سونداي-اق, ول 100 مىڭ تۇرعىنى بار قالالارمەن عانا تەلەرەيتينگ جاساۋعا بولمايتىنىن جەتكٸزدٸ.
«مۇقىم ەل تەك اندرەي مالاحوۆتىڭ «پۋست گوۆوريات»توك-شوۋىن عانا كٶرەدٸ دەگەنگە سەنبەيمٸن. اۋىل تۇرعىندارىنىڭ كٶزقاراسى ەسكەرٸلۋ كەرەك. اۋىلداعى ميلليونداعان قازاقتىڭ ەسەبٸ قايدا? تەلەرەيتينگتٸ زەرتتەۋگە رەسپوندەنت رەتٸندە بٸردە-بٸر اۋىل تۇرعىنى قاتىسپايدى. قازاقشا باعدارلامالاردىڭ عۇمىرى قىسقا بولاتىنى دا وسىدان.
«دومبىرا» دەگەن تەلەارنا بار. بايعۇس يەسٸ تٶرت كامەراسىن ارقالاپ, ٶڭٸرلەردٸ ارالاپ, دەستٷردٸ ٶنەردٸ ناسيحاتتايدى. سوسىن You Tube-تەن كٶرسەتەدٸ. Alma TV-عا نەگە قوسىلمايسىڭ دەسەم, ايىنا 600 مىڭ تەڭگە تٶلەۋٸ كەرەك. بٸر جىلعا 7 ميلليون تەڭگە كەرەك.
مينيسترلٸك مۇنى بەرمەيدٸ ەكەن. ەكٸ جىل 14 ميلليون تەڭگە تٶلەسە, ەرٸ قاراي تەگٸن قوسادى ەكەن. نەگە بٸز وسىنداي ۇلتتىق ارنالاردى قولدامايمىز? ال «قالاۋلىم» سيياقتى باعدارلامالاردىڭ تٸكەلەي ەفيردەگٸ ٷش ساعاتىنا 2 ميلليون تەڭگە جۇمسالادى ەكەن», – دەدٸ دەپۋتات.
بۇل مەسەلەگە قاتىستى مەدەنيەت جەنە اقپارات ۆيتسە-مينيسترٸ قانات ىسقاقوۆ: «بٸز رەسەيلٸك تەلەارنا كٶرمەك تٷگٸل, ولارعا اقشا تٶلەيمٸز» دەي كەلە, «ەڭ الدىمەن تٶلەم مەسەلەسٸن شەشۋ كەرەك. مىسالى, كابەلدٸك وپەراتورعا ايىنا 5 مىڭ تەڭگە تٶلەيسٸز. ولار سونىڭ 3 مىڭىن رەسەيگە بەرۋٸ تيٸس. الداعى ۋاقىتتا شەتەلدٸك ارنالارعا اقشا تٶلەۋدٸ توقتاتامىز. ال وتاندىق ارنالار كەرسٸنشە Alma TV سيياقتى كابەلدٸك وپەراتورلارعا ٶزدەرٸ تٶلەيدٸ. وسىنى جىل سوڭىنا دەيٸن شەشۋٸمٸز كەرەك», – دەپ جاۋاپ بەردٸ قانات ىسقاقوۆ.
