Májilis depýtaty Kóksý aýdanyn aralady
Qańtardyń on ekinshi juldyzynda jerlesimiz, Qazaqstan Respýblikasy Parlamenti Májilisiniń depýtaty Magerram Magerramov aýdanǵa keldi. Májilis depýtatymen birge Qazaqstan Kommýnistik halyq partiiasy Almaty oblysy filialynyń birinshi hatshysy Sáýle Bigarova aýdanǵa arnaiy at basyn burdy. Ondaǵy maqsat – qarapaiym halyqpen kezdesip, ótken jyly atqarylǵan jumys pen «100 naqty qadam» Ult josparynda» aiqyndalǵan mindetter qalai júzege asyrylyp jatqanyn baǵamdap, qarapaiym halyqtyń hal-jaǵdaiyn bilip, keńinen áńgimelesý.
Jumys saparymen kelgen halyq qalaýlysy aýdan ákiminiń orynbasary Áliia Sadyqovanyń bastaýymen aýdandyq emhanaǵa arnaiy bardy. Májilis depýtaty osydan eki jyl buryn irgetasy qalanǵan emhananyń tirkeý bólimi, rentgen-diagnostikalyq bólimi, fliýorografiia bólimi, erler jáne áielderdi tekserý bólimi, aldyn ala tekserý jáne skriningten ótkizý bólimi qatarly barlyq qurylymymen jeke-jeke tanysyp, meditsina salasyndaǵy qyzmetkerlerdiń qarapaiym halyqtyń densaýlyǵy úshin úzdiksiz eńbek etýlerine tilektestik bildirdi. Emhana basshylarynyń kóz jáne rentgenolog salasynda mamandar jetispeidi degen ótinishin tyńdap, bul máseleniń aldaǵy ýaqytta sheshimin tabatynyna senim bildirdi.
Halyq qalaýlysynyń issapary Temirǵali Isabaev atyndaǵy orta mektepte jalǵasyn tapty. Bilim ordasyndaǵy ustazdarmen mańyzdy kezdesý ótkizip, úsh tilde bilim berý júiesi týraly keńinen áńgimelesti. Árbir oqýshy qazaq, orys, aǵylshyn tilinde emin-erkin sóilep, álemdegi ozyq bilimdi igerýi kerek. Bul bir jyldyń sharýasy emes, biraq ony ýaqytty joǵaltpai bastaý qajet ekendigin erekshe atap ótti. Oqýshylardyń nurly bolashaqqa degen talpynysyn, bilimge degen qushtarlyǵyn úzdiksiz arttyrý úshin ustazdardy úzdiksiz jumys jasaýǵa shabyttandyrdy. Halyq qalaýlysy ustazdardyń aitqan ótinishin muqiiat tyńdady. Týǵan aýylyna arnaiy kelip, aýdannyń tynys-tirshiligimen tanysqan Májilis depýtaty aýdanda atqarylǵan sharýalarǵa oń baǵasyn berdi.
Alash TURSYNÁLI, Almaty oblysy
