Astanadaǵy qylmystyq ister jónindegi mamandandyrylǵan aýdanaralyq sotta sybailas jemqorlyq isi boiynsha sottalyp jatqan Astananyń mádeniet basqarmasynyń burynǵy basshysy Bolat Majaǵulovqa tek prokýror tarapynan ǵana emes, jaqyn týystarynan da aiyp taǵyldy. Majaǵulovtyń týysy Ulpan Begálina eks-sheneýnikke qatysty bylyqtyń betin ashty, dep habarlaidy Dalanews.kz Ulysmedia.kz-ke siltep.
Ulpan Begálina áleýmettik jelilerde jazba jariialap, Majaǵulovtyń komandasy ony áleýmettik jelide “parasatty” adam retinde kórsetýge tyrysyp jatqanyn jáne onyń ótken ómirine qatysty jaman pikirlerdi óshirip tastap jatqanyn aitty.
Begálinanyń sózinshe, milliard teńge jymqyrdy dep aiyptalyp otyrǵan burynǵy mádeniet basqarmasynyń basshysy 10 jyl boiy otbasynan nekesiz týǵan balalaryn jáne kóńildesin jasyrǵan. Boljam boiynsha, ol Astananyń dál ortasynda sol áielge sulýlyq salonyn ashyp bergen.
– Jazbalaryńyzda siz, Bolat Baýyrjanuly, konstitýtsiialyq quqyqtaryńyzdy saqtaý týraly aitasyz. Ádildik úshin, onda ózińizdiń zańdy balalaryńyzdan ákesi men tolyq otbasynda ómir súrý quqyǵyn qalai aiyrǵanyńyzdy aityp berińiz. Eger siz osy quqyqtan aiyryp, olarǵa moraldyq jáne jan jarasyn salsańyz, er azamat retinde jaýapkershilik arqalańyz. Qazir Bolat Baýyrjanuly ózin qoǵam aldynda adal, parasatty adam retinde kórsetkisi keledi. Biraq onyń zańdy otbasyna qatysty áreketteri múlde basqa nárseni ańǵartady, deidi Begalina.
Eske salaiyq, eks-sheneýnik Bolat Majaǵulovtyń ustalǵany týraly Qarjylyq monitoring agenttigi málim etti. Astana qalasynyń "Mádeniet basqarmasy" MM-niń burynǵy basshysy men merdiger uiym ókilderine qatysty asa iri kólemde biýdjet qarajatyn jymqyrý faktisi boiynsha Qarjylyq monitoring agenttigi sotqa deiingi tergeý amaldaryn júrgizdi.
2016 jyly Astana kúni merekesine orai salynǵan "Kún" ("Esil ózenindegi jaryq-illiýminatsiialyq jáne ot shoýy") sýbyrqaǵynyń qurylysy kezinde memlekettik satyp alý rásimderi júrgizilmei tikelei kelisimsharttar jasalǵan. Sýburqaq jobalyq qujattamasyz jáne memlekettik saraptamadan ótpei salynǵan.
Qurylys barysynda tehnikalyq sipattamalarǵa sáikes kelmeitin sapasyz materialdar qoldanylǵan. Nátijesinde atalǵan nysan 2017 jyldan bastap jumys istemei, qazirgi tańda apatty jaǵdaida tur.
Urlanǵan qarajattyń kólemi 1 mlrd teńgeden asyp otyr.
Kúdikti, Astana qalasynyń "Mádeniet basqarmasy" MM-niń burynǵy basshysy Bolat Majaǵulov ustalyp, ýaqytsha ustaý izoliatoryna qamaldy. Tergeý aiasynda onyń múlkine tyiym salyndy. Onyń ishinde 3 kommertsiialyq nysan, 2 avtoturaq orny jáne Astana qalasyndaǵy premiým sanattaǵy páter.
Atalǵan is boiynsha kúdiktilerdiń múlkine jalpy somasy 572 million teńgeden astam somaǵa shekteý qoiyldy. QR QPK 201-babyna sáikes, sotqa deiingi tergep-tekserý derekteri jariia etýge jatpaidy.
