Marketingtik kreativti strategiiaǵa jaýapty toptardyń ishki jinalystarynda Maikl Djeksonǵa bir kóshe berý ideiasy qoldaý taýyp keledi. Jáne ol ekspattyq, tehnologiialyq jańa qala – Alataý Sitige jarasymdy bolady degen oilar aitylýda. Kóshe isker ortalyqta bolmasa da, shyǵarmashylyq aýrasy basymdaý aýdannan oryn tebýi yqtimal.
Sózsiz, Maikl Djekson atyndaǵy kóshe búkil álemniń nazaryn ózine aýdaryp, Alataýǵa jaqsy ekspattyq imidj qalyptastyra alady. Onymen qatar, sol kóshede Maikldyń aidaǵy júrisin beineleitin kreativti eksponaty turýy qajet ekeni aityldy.
Jalpy, ózindegi qai kósheni qalai ataitynyn Alataý qalasynyń ózi sheshe alady. Qalanyń tolyq derbes statýsy bar, jeke konstitýtsiialyq zańy bar. Jaqynda Alataý qalasynyń keńesine arnaiy salyq rejimin jáne investitsiialyq qoldaý sharalaryn bekitý ókilettigi beriledi. Bul innovatsiialyq salalardy damytý úshin mańyzdy. Tipti 3 myń metrge deiingi biiktiktegi áýe keńistigin paidalanýdy Alataýdy basqaratyn keńes ózi rettep otyrmaq.
«Alataý búkil álemge esigin ashatyn, halyqaralyq qala bolatyndyqtan onyń kóshelerine álemdi ózgertken, adamzat tarihyn basqa baǵytqa bura alǵan kesek tulǵalardyń esimin berý oryndy. Munda biz tek ishki tarihymyzǵa qadalyp qalmaý kerekpiz. Shyǵarmashylyq baǵytyn alsaq Maikl Djeksonnyń faktýrasy árine kelip tur. Onymen birge Li Kýan Iu, Ilon Mask syndy tulǵalarǵa da kóshe ataýyn berýge bolady. Dál osy qalaǵa kelgende biz tar, qasań printsippen shektelip qalmaýymyz kerek», - deidi DALA INSIDE derekkózi.
Maikl Djekson - XX ǵasyr fenomeni. Ony bekerden pop mýzykanyń koroli dep atamaidy. Ol jalǵyz ózi álemdegi mýzyka, shoý-biznes, klip indýstriiasy, sahnalyq plastika jáne jahandyq pop-mádeniet standartyn ózgertken adam. Onyń Thriller albomy áli kúnge deiin álemdik mýzyka tarihyndaǵy eń qýatty kommertsiialyq jinaqtyń biri sanalady. Bul albomnan shyqqan Billie Jean, Beat It, Thriller syndy ánder tek hit emes, birneshe býynnyń ortaq mádeni kody boldy.
Eger Alataý City rasymen Maikl Djekson atyndaǵy kóshe ideiasyn qarastyrsa, “biz tek turǵyn úi salmaimyz, biz jańa mádeni keńistik quramyz” degen ishara arqyly, halyqaralyq qaýymdastyqqa túsinikti óziniń jeke kosmopolittik stilin qalyptastyra alady.
DALA INSIDE bul ideianyń qanshalyqty júzege asyrylý múmkindigin monitoringte ustap otyrady.
